Svíþjóð: Jón Guðni skoraði í sigri Hammarby

Jón Guðni Fjóluson skoraði fyrsta mark Hammarby í 0-3 útisigri á Oskarshamns í sænska bikarnum. Jón Guðni lék allan leikinn og kom markið hans á 6. mínútu.

Hammarby er með sex stig eftri tvær umferðir af riðlakeppninni og mætir AIK í úrslitaleik í lokaumferðinni.

Bjarni Mark Antonssn lék allan leikinn í 1-0 tapi Brage á útivelli gegn Kalmar. Brage á ekki möguleika á að fara áfram í 8-liða úrslit.

Kolbeinn Sigþórsson var ekki í leikmannahópnum hjá Gautaborg þegar liðið gerði 1-1 jafntefli gegn Sundsvall. Gautaborg þarf að sigra Norrköping í lokaumferðinni til að komast áfram.