Moises Caicedo átti sinn þátt í báðum mörkunum
Chelsea er í vandræðum gegn Leeds í enska bikarnum en liðið er lent undir snemma leiks.
Chelsea tapaði í úrslitum deildabikarsins gegn Liverpool um helgina og vill væntanlega gera betur í enska bikarnum en það byrjar ekki vel í kvöld.
Axel Disasi fékk boltann í teignum og ætlaði að senda á Moises Caicedo en Leeds var með háa pressu og náði boltanum. Boltinn endaði hjá Mateo Joseph sem skoraði.
Chelsea var hins vegar ekki lengi að bæta upp fyrir þetta og Nicolas Jackson jafnaði metin eftir stundarfjórðung. Hann fékk góða sendingu frá Caicedo innfyrir vörn Leeds og skoraði af miklu öryggi.
Markið hjá Joseph
Markið hjá Jackson
Athugasemdir
