Championship: Birmingham hafði betur í Hollywood-slagnum

Wrexham fékk Birmingham í heimsókn í Championship deildinni í kvöld. Viðureignin hefur fengið viðurnefnið Hollywood-slagurinn en Hollywood leikararnir Ryan Reynolds og Rob McElhenney eru eigendur Wrexham og fyrrum NFL stjarnan Tom Brady er eigandi Birmingham.

Miðvörðurinn Phil Neumann var hetja Birmingham en hann skoraði bæði mörk liðsins. Callum Doyle jafnaði metin í seinni hálfleik eftir að Neumann hafði komið Birmingham yfir í fyrri hálfleik.

Níu mínútum eftir jöfnunarmarkið tók August Priske langt innkast en Wrexham náði að koma boltanum frá. Priske fékk boltann aftur og sendi fyrir og Neumann skallaði boltann í netið og tryggði Birmingham stigin þrjú.

Birmingham svarað vel eftir 6-1 skell gegn Brentford í deildabikarnum í vikunni. Liðið er með fimm stig eftir þrjár umferðir en Wrexham er með tvö stig.