Lengjudeildin: Þróttur skoraði sjö og Fylkir enn í séns

Þróttur fékk Ægi í heimsókn sem er fallið í 2. deild. Björn Darri Oddgeirsson kom Þrótti yfir snemma leiks eftir að Aron Snær Ingason skallaði boltann fyrir fætur hans.

Aron Snær bætti síðan öðru markinu við stuttu síðar. Ægismenn tóku við sér og Stefan Dabetic minnkaði muninn. Bjarki Rúnar Jónínuson skoraði síðan glæsilegt mark og jafnaði metin.

Þróttarar voru ekki lengi að svara því Aron Snær skoraði sitt annað mark og þriðja mark Þróttar strax í kjölfarið.

Þróttarar fóru hamförum í seinni hálfleik. Aron Snær fullkomnaði þrennu sína, Magnús Þórðarson skoraði tvennu og Jakob Ocares Kristjánsson skoraði eitt og Þróttur vann að lokum stórsigur.

Kári Sigfússon kom Fylki yfir gegn Gróttu þegar hann skoraði á opið markið eftir að Alexander Arnarsson varði frá Theodóri Inga Óskarssyni.

Grótta náði að jafna metin þegar skammt var til loka leiksins. Björgvin Brimi Andrésson skoraði eftir sendingu frá Mattíasi Kjeld.

Fylkir náði forystunni á nýjan leik stuttu síðar þegar Hlynur Sævar Jónsson skallaði boltann í netið eftir fyrirgjöf frá Theodóri. Það var síðan Magnús Daði Ottesen sem innsiglaði sigur Fylkis.

Þróttur er í 2. sæti með 40 stig, eins og Fylkir sem er í 3. sæti fyrir lokaumferðina. Liðin eru tveimur stigum á eftir Aftureldingu sem á leik til góða. Grótta er í 6. sæti með 27 stig en Ægir á botninum með átta stig. Afturelding getur unnið deildina með sigri á Vestra á morgun.

Þróttur R. 7 - 2 Ægir
1-0 Björn Darri Oddgeirsson ('4 )
2-0 Aron Snær Ingason ('11 )
2-1 Stefan Dabetic ('23 )
2-2 Bjarki Rúnar Jónínuson ('32 )
3-2 Aron Snær Ingason ('33 )
4-2 Magnús Þórðarson ('59 )
5-2 Jakob Ocares Kristjánsson ('65 )
6-2 Aron Snær Ingason ('70 )
7-2 Magnús Þórðarson ('76 )
Lestu um leikinn

Fylkir 3 - 1 Grótta
1-0 Kári Sigfússon ('25 )
1-1 Björgvin Brimi Andrésson ('82 )
2-1 Hlynur Sævar Jónsson ('86 )
3-1 Magnús Daði Ottesen ('90 )
Lestu um leikinn