Rui Pinto er þrítugur Portúgali. Hann var handtekinn í Ungverjalandi í síðustu viku og framseldur til Portúgal.
Hann er ásakaður um ýmsa hluti en hann er einn af forsprökkunum á bak við Football Leaks vefinn sem hefur uppljóstrað ýmsum leyndarmálum úr knattspyrnuheiminum á undanförnum árum.
Gögn frá Football Leaks urðu meðal annars til þess að víðamiklar rannsóknir voru gerðar á starfsemi Manchester City og Paris Saint-Germain sem eru í eigu moldríkra Araba.
Pinto á yfir höfði sér afar þungan dóm í Portúgal og er meðal annars kærður fyrir tilraun til fjárkúgunar. Honum er lýst sem tölvusnillingi og tengist stór hluti ákærunnar brotum hans á veraldarvefnum.
Athugasemdir