Þjóðadeildin: Dramatík í Armeníu

Georgíumenn voru sterkari aðilinn gegn Úkraínu í fyrri hálfleik, þó gestirnir fengju sín færi. Báðir markverðir áttu góðan leik en Giorgi Mamardashvili, markvörður Liverpool, stóð á milli stanganna hjá Georgíu á meðan Anatoliy Trubin gerði vel hinum megin og var valinn maður leiksins.

Þetta var annar leikurinn í röð þar sem Georgíu mistókst að skora, en liðið náði þó í sitt fyrsta stig. Úkraína er hins vegar á toppi B-riðils með fjögur stig.

Í C-deildinni unnu Svartfellingar dramatískan 3-2 sigur á Armeníu í Yerevan.

Svartfellingar komust tvisvar yfir í fyrri hálfleiknum en Armenar jöfnuðu í bæði skiptin.

Þegar lítið var eftir skoraði Aleksa Latkovic sigurmark Svartfellinga, sem eru með fullt hús stiga í B-riðli eftir tvo leiki. Armenía er í öðru sæti með þrjú stig.

Í sama riðli gerðu Lettland og Kýpur markalaust jafntefli og náðu þar með bæði í sín fyrstu stig.

Georgía 0 - 0 Úkraína

Armenía 2 - 3 Svartfjallaland
0-1 Erik Piloyan ('20 , sjálfsmark)
1-1 Artur Serobyan ('34 )
1-2 Nikola Krstovic ('38 )
2-2 Eduard Spertsyan ('65 )
2-3 Aleksa Latkovic ('89 )

Lettland 0 - 0 Kýpur