Hinn sænski Kulusevski kom til Juventus frá Parma fyrir einu og hálfu ári síðan og fékk hann töluvert mikið að spila undir stjórn Andrea Pirlo á síðustu leiktíð.

Það sama hefur hins vegar ekki verið upp á teningnum á þessu tímabili undir stjórn Max Allegri. Svíinn hefur fengið fá tækifæri og ofan á það hefur gengi Juventus í deildinni verði afleitt.

Tottenham og Arsenal hafa bæði mikinn áhuga á að fá þennan 21 árs gamla leikmann en talið er að Juventus vilji fá allt að 30 milljónir punda fyrir leikmanninn.

Kulusevski kom inn á sem varamaður í gær þegar Juventus tapaði mikilvægum leik gegn Atalanta í Serie A deildinni.