Reyna að lækka kaupverðið fyrir Nico González

González er 28 ára kantmaður á láni hjá Atlético frá Juventus. Hann hefur komið við sögu í 37 leikjum og skorað 5 mörk á tímabilinu en Diego Simeone er ánægður með framlag leikmannsins sem er mikill dugnaðarforkur.

Hann er að glíma við meiðsli og verður frá keppni næstu þrjár vikur sem þýðir að hann mun ekki uppfylla þann leikjakvóta sem þarf til að Atlético neyðist til að kaupa hann.

Atlético borgaði um 1,5 milljón evra til að fá González lánaðan síðasta haust með 32 milljóna árangurstengdri kaupskyldu. Hún virkjast ef Gonzaléz spilar 45 mínútur eða meira í 60% leikja liðsins í efstu deild spænska boltans, La Liga.

Romano segir að Atleti hafi áhuga á kantmanninum en ætli ekki að nýta sér kaupákvæðið. Spánverjarnir stefna á að fara í viðræður við Juventus í tilraun til að lækka kaupverðið niður í 20 til 25 milljónir.

González, sem spilaði áður fyrir Stuttgart og Fiorentina, er með 50 landsleiki að baki fyrir Argentínu.

TENGT EFNI01.09.25 - 16:25

Gekk til liðs við Juventus í sumar en er farinn til Atlético Madrid (Staðfest)