Hlín setti þrennu í frábærum sigri

Hlín skoraði þrjú fyrstu mörkin í flottum sigri á útivelli gegn Växjö, lokatölur 0-4. Malmö er í Evrópusæti með 29 stig eftir 16 umferðir, fjórum stigum fyrir ofan Íslendingalið Kristianstad sem vann á útivelli gegn AIK.

Elísa Lana Sigurjónsdóttir og Alexandra Jóhannsdóttir byrjuðu í sigri Kristianstad.

Íslendingalið BK Häcken og Hammarby verma toppsæti deildarinnar enda eru þau langbestu lið Svíþjóðar um þessar mundir. Átján ára Thelma Karen Pálmadóttir lék allan leikinn í 0-1 sigri Hacken á útivelli gegn Rosengård. Hacken er með 45 stig á toppinum, með 15 sigra og 1 tap.

Hammarby fylgir fast á eftir með 41 stig eftir sigur gegn Vittsjö. Guðrún Arnardóttir lék allan leikinn í 3-1 sigri Hammarby á meðan Ída Marín Hermannsdóttir sat á bekknum.

Að lokum lék Emelía Óskarsdóttir fyrstu klukkustundina í sigri hjá ríkjandi meisturum HB Köge gegn Aarhus í danska boltanum. Köge er með fullt hús stiga eftir fimm umferðir.

Vaxjo 0 - 4 Hammarby
0-1 Hlín Eiríksdóttir ('27)
0-2 Hlín Eiríksdóttir ('34)
0-3 Hlín Eiríksdóttir ('52)
0-4 Tuva Skoog ('57)

AIK 0 - 1 Kristianstad

Rosengard 0 - 1 Hacken

Hammarby 3 - 1 Vittsjo

Aarhus 0 - 2 HB Koge