Sjáðu magnaða vörslu Ásgeirs Orra - „Kæmi mér rosalega á óvart ef hann verður hérna í 2-3 ár"

Hann átti magnaða vörslu í sigri Keflvíkinga gegn ÍBV um síðustu helgi. Hann hafði daginn áður fengið lof í Útvarpsþættinum Fótbolti.net og eftir leik fékk hann hrós frá þjálfaranum.

„Ásgeir í markinu, hann er virkilega öflugur og það kæmi mér rosalega á óvart ef hann verður hérna í 2-3 ár (í viðbót)," sagði Jónas Guðni Sævarsson, yfirmaður fótboltamála hjá Keflavík, fyrir viku síðan. Viðtalið má nálgast í spilaranum neðst.

Keflavík sigraði ÍBV 1-0 síðasta sunnudag en Eyjamenn fengu sénsa til að jafna. Vörsluna má sjá hér að neðan.

„Heppnin var með okkur og góður markmaður. Ásgeir ver frábærlega í lokin," sagði Haraldur Freyr Guðmundsson, þjálfari liðsins. Það var í fimmta sinn í sumar sem Ásgeir heldur hreinu.

„Ég hef ekki áhyggjur af því að erlend félög séu að horfa til minna manna, auðvitað getur allt gerst í þessu. Ef menn standa sig vel þá er alltaf möguleiki á því að þeir verði keypt eitthvert erlendis," bætti Halli við.



Útvarpsþátturin Fótbolti.net er alla laugardaga á X977 milli kl 12-14.