Snýr aftur til Chelsea eftir misheppnaða lánsdvöl

Hann lék á láni með systurfélaginu Strasbourg á síðustu leiktíð en stóðst ekki væntingar. Honum tókst ekki að ryðja sér leið í byrjunarliðið og fékk að enda lánssamninginn fyrr í leit að meiri spiltíma hjá öðru félagsliði.

Hann hélt því til argentínska stórveldisins River Plate á eins árs lánssamningi í janúar en sagan frá Strasbourg endurtók sig, Páez komst ekki í byrjunarliðið og var notaður sem varamaður inn af bekknum. Því hefur verið ákveðið að binda enda á lánið snemma og er líklegt að táningurinn verði lánaður út til nýs félags fyrir gluggalok.

Páez er 19 ára gamall og með sjö ár eftir af samningi sínum við Chelsea. Hann er með 27 landsleiki að baki fyrir Ekvador þrátt fyrir ungan aldur.