Örebro heillaði mig mest
Ég er að fara frá uppeldisfélaginu, það verður alltaf smá erfitt, en ég mun alltaf einhvern veginn tækla það
Við fórum saman í okkar fyrstu landsliðsferð, síðan höfum við verið góðar vinkonur
Ég held að þetta sé fínn stökkpallur; að fara út á næsta 'level', í góða deild, í ungt lið þar sem eru margar efnilegar sem vilja stíga hærra og fara lengra.
Selfyssingurinn Áslaug Dóra Sigurbjörnsdóttir var í gær tilkynnt sem nýr leikmaður Örebro í Svíþjóð. Hún skrifar undir tveggja ára samning við félagið.
Hún er tvítugur varnarmaður sem þjálfari Örebro hefur trú á að smellpassi inn í hans leikstíl. Áslaug ræddi við Fótbolta.net um skiptin.
Hún er tvítugur varnarmaður sem þjálfari Örebro hefur trú á að smellpassi inn í hans leikstíl. Áslaug ræddi við Fótbolta.net um skiptin.
„Þetta kemur nokkuð óvænt upp, en samt ekki, er að renna út á samning og langaði að sjá hvaða möguleikar yrðu í boði. Mér leist best á Örebro eftir að það kom upp þannig ég ákvað bara að kýla á það," sagði Áslaug.
„Það var eitthvað aðeins hérna heima, aðallega áhugi frá íslenskum félögum. Örebro heillaði mig mest."
„Það eru þannig séð engin tengsl, en það eru margar stelpur búnar að fara þangað og Örebro er að fylgjast með íslensku deildinni; ungu og efnilegu stelpunum."
Allavega sjö íslenskir leikmenn hafa áður verið á mála hjá félaginu sem greinilega horfir til íslenskra leikmanna. Þær Sólveig Jóhannesdóttir Larsen, Berglind Rós Ágústsdóttir, Cecilía Rán Rúnarsdóttir, Anna Björk Kristjánsdóttir, María
Björg Ágústsdóttir, Ólína Guðrún Viðarsdóttir og Edda Garðarsdóttir eru allar fyrrum leikmenn félagsins.
Bergþóra Sól Ásmundsdóttir er hins vegar leikmaður Örebro í dag. Hún kom til sænska félagsins frá Breiðabliki í haust. Áslaug verður því níundi íslenski leikmaðurinn til að leika með kvennaliðið félagsins á síðustu fimmtán árum. Hún ræddi við Bergþóru áður en hún tók ákvörðun um að fara út.
„Ég talaði aðeins við Beggu, við erum góðar vinkonur og hún reyndi að selja mér þetta og náði því eiginlega. Við fórum saman í okkar fyrstu landsliðsferð, síðan höfum við verið góðar vinkonur. Ég er klárlega spennt að spila með henni, hún er skemmtilegur karakter og góð í fótbolta þannig það verður geggjað."
„Örebro spilar á ungum leikmönnum, með ungt lið, mjög faglegt umhverfi; æft snemma og tvisvar á dag. Þarna eru ungir leikmenn sem vilja ná lengra á ferlinum."
Er ákvörðunin að fara út erfið?
„Ég er að fara frá uppeldisfélaginu, það verður alltaf smá erfitt, en ég mun alltaf einhvern veginn tækla það."
Hún var orðuð við Víking í báðum slúðurpökkunum sem hafa verið birtir í vetur. Var heillandi möguleiki að vera áfram í Bestu deildinni?
„Já já, mig langaði fyrst og fremst að skipta um umhverfi og prófa eitthvað nýtt, fannst kominn tími á það. Það hefði alltaf verið æði, en (gerist) allavega ekki núna."
„Það klárlega eykur sjálfstraustið (að vita af áhuga fleiri félaga) og allt það, það var fínt að vita að það var áhugi annars staðar."
Er hún með markmið um að fara lengra á ferlinum?
„Klárlega. Ég held að þetta sé fínn stökkpallur; að fara út á næsta 'level', í góða deild, í ungt lið þar sem eru margar efnilegar sem vilja stíga hærra og fara lengra. Ég held að það sé fínt fyrir mig og svo sjáum við hvernig það gengur."
Aðspurð hvort að góð spilamennska hjá Örebro gæti komið henni í landsliðið sagði Áslaug:
„Klárlega, ég held að þetta muni hjálpa mér helling með það."
Í viðtalinu var Áslaug spurð út í sumarið með Selfossi sem féll úr Bestu deildinni og þá sturluðu staðreynd að hún var markahæsti leikmaður liðsins.
Athugasemdir
