Faxaflóamótið: ÍA setti fjögur gegn Aftureldingu

Afturelding tók á móti ÍA á N1-vellinum við Varmá í lokaleik þriðju umferðar Faxaflóamótsins.

ÍA komst yfir snemma leiks og var komið þremur mörkum í hálfleik, en Heiður Heimisdóttir gerði tvö þeirra.

Heimamenn í Aftureldingu voru þó ekki mikið lakari en gestirnir, þar sem nýting heimamanna var skelfileg og átti Ásta Vigdís Guðlaugsdóttir góðan leik í marki Skagamanna.

Þetta er fyrsti sigur ÍA á Faxaflóamótinu, en Afturelding er með eitt stig eftir óvænt jafntefli gegn Breiðablik í fyrstu umferð.