Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fös 30. apríl 2021 13:30
Fótbolti.net
Spá þjálfara og fyrirliða í Lengjudeild kvenna: 6. sæti
Augnablik er spáð 6. sæti í Lengjudeildinni
Augnablik er spáð 6. sæti í Lengjudeildinni
Mynd: Fótbolti.net - Hafliði Breiðfjörð
Kristrún Lilja Daðadóttir þjálfar Augnablik
Kristrún Lilja Daðadóttir þjálfar Augnablik
Mynd: Fótbolti.net
Það verður gaman að fylgjast með Vigdísi Lilju í sumar
Það verður gaman að fylgjast með Vigdísi Lilju í sumar
Mynd: Fótbolti.net - Hafliði Breiðfjörð
Fótbolti.net kynnir liðin sem leika í Lengjudeildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið. Liðin fengu stig frá 1-9 en ekki var hægt að spá fyrir sínu eigin liði.

Spáin:
1.
2.
3.
4.
5.
6. Augnablik
7. Víkingur
8. HK
9. ÍA
10. Grindavík

Lokastaða í fyrra: 7. sæti í Lengjudeildinni

Þjálfarar: Kristrún Lilja Daðadóttir. Ofurblikinn Kitta eins og hún er jafnan kölluð tók við liði Augnabliks í janúar. Kitta er að fara aftur í þjálfaraúlpuna eftir nokkurra ára pásu en hún þjálfaði Augnablik síðast sumarið 2015. Auk þess hefur hún þjálfað meistaraflokka KR og Þróttar, U17 ára landslið Íslands og fjöldan allan af yngri flokkum Breiðabliks.

Styrkleikar: Liðið er afar vel spilandi og samansett af tæknilega færum leikmönnum í nokkuð jöfnum leikmannahópi. Liðið er í góðu formi og getur spilað nokkuð pressulaust þar sem helsta markmið liðsins er að gefa ungum leikmönnum tækifæri til að spila og þróast í að verða öflugir meistaraflokksleikmenn.

Veikleikar: Liðið er reynslulítið og heilt yfir hefur ungur leikmannahópurinn ekki sama líkamlega styrk og önnur lið í deildinni.

Lykilmenn: Hugrún Helgadóttir, Margrét Lea Gísladóttir, Vigdís Lilja Kristjánsdóttir

Gaman að fylgjast með: Nóg er af ungum og efnilegum leikmönnum til að fylgjast með í Kópavoginum. Vigdís Lilja Kristjánsdóttir er sannarlega ein þeirra. Þessi 16 ára sóknarmaður greip augu margra knattspyrnuáhugamanna í fyrra og það verður spennandi að fylgjast með henni taka næstu skref sem leikmaður.

Við heyrðum í Kittu þjálfara og fórum yfir spánna og fótboltasumarið sem framundan er:

Kemur spáin á óvart?
„Nei, það kemur ekkert á óvart að vera spáð 6 . sætinu. Held svo að öll liðin nema við séu að bæta við sig erlendum leikmönnum og styrkja sig á einhvern hátt þannig að það er erfitt að meta getu liða eftir undirbúningstímabilið. “

Hver eru markmið Augnabliks í sumar?
„Markmið Augnabliks er að gefa fleiri ungum leikmönnum færi á að keppa meistaraflokksleiki við krefjandi aðstæður og undirbúa þá þannig betur undir feril í Pepsí með Breiðablik. Áherslan hjá okkur verður á frammistöðu og vinnusemi og uppbyggilegt hugarfar.“

„Þá viljum við fara inn í hvern leik til þess að bæta okkur, læra af mistökum og styrkja stöðu okkar í deildinni. Það er mikill metnaður til þess að gera vel og að sjálfsögðu er farið í hvern leik til þess að sækja þrjú stig.“


Hvernig hefur undirbúningstímabilið gengið?
„Undirbúningstímabilið hefur bara gengið vel, mfl. kvenna hópur Breiðablik hefur verið að taka breytingum og það hefur haft áhrif á okkar starf. Ég tók við liðinu í janúar og þurfti smá tíma til þess að kynnast hópnum og ná jafnvægi í okkar starf. Annars höfum við æft vel og reynt að gera eins vel úr aðstæðum eins og hægt var. Bíðum bara spenntar eftir að mótið hefjist.“

Hvernig er fyrir þig að snúa aftur í mfl. þjálfun?
„Það er bara frábært að vera komin aftur til starfa við þjálfun. Hef alltaf elskað að vera í þjálfaraúlpunni . En tel það forréttindi að fá að þjálfa þessar stelpur því fyrir utan það að vera góðar í fótbolta þá erum þær mjög skemmtilegar. Þá er ég einnig heppin með þá umgjörð sem er í kringum liðið, óteljandi fróðleiksmolar frá Úlla og Villa og frábært Augnabliksráð sem hafa alla umgjörð uppá 10.“

Er liðið mikið breytt frá því í fyrra?
„Það eru 6 leikmenn sem spiluðu stórt hlutverk í fyrra ekki með okkur ár, flestar eru farnar að spila í Pepsí sem er eins og áður sagði markmiðið með Augnablik.“

Hvernig áttu von á að deildin spilist í sumar?
„Þetta verður skemmtilegt mót, jöfn lið og allir geta unnið alla.“


Komnar:
Dísella Mey Ársælsdóttir frá Breiðablik
María Jónsdóttir frá Breiðablik
Rebekka Sif Rúnarsdóttir frá Breiðablik
Sara Svanhildur Jóhannsdóttir frá Breiðablik
Sigrún Guðmundsdóttir frá Breiðablik
Snædís Eva Kruger frá Breiðablik
Sveindís Ósk Unnarsdóttir frá Breiðablik
Þórhildur Elín Ásgeirsdóttir frá Breiðablik

Farnar:
Adna Mesetovic í Fjölni
Ásta Árnadóttir í Val
Emilía Kiær Ásgeirsdóttir til Danmerkur
Eva María Smáradóttir í Aftureldingu
Helga Marie Gunnarsdóttir til Danmerkur
Hildur María Jónasdóttir í FH
Katrín Hanna Hauksdóttir í Keflavík

Fyrstu leikir Augnabliks:
6. maí Augnablik - KR
12. maí ÍA - Augnablik
22. maí Augnablik - FH
Athugasemdir
banner
banner
banner