Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   lau 30. maí 2020 06:00
Ívan Guðjón Baldursson
KSÍ staðfestir fimm skiptingar - Aðgönguskírteini gilda ekki
Mynd: KSÍ
KSÍ staðfesti á stjórnarfundi síðasta fimmtudag tímabundnar breytingar á reglugerð um knattspyrnumót og aðgönguskírteini.

KSÍ staðfesti að það mun nýta heimild FIFA til að leyfa liðum að gera allt að fimm skiptingar í hverjum leik. Þessar skiptingar má þó aðeins nota í þremur leikstöðvunum.

Þessi reglubreyting gildir í Pepsi Max-deildum karla og kvenna, Lengjudeild karla og Mjólkurbikarnum.

„Sé leikur framlengdur má hvort lið nota einn varamann til viðbótar með því að nota eina leikstöðvun til viðbótar. Einnig má nýta hlé fyrir upphaf framlengingar og hálfleik framlengingar til skiptinga," segir meðal annars á vefsíðu KSÍ.

Þá staðfesti KSÍ einnig að á meðan fjöldatakmarkanir sem miða við færri en 500 áhorfendur á hverju svæði eru í gildi munu aðgönguskírteini sem gefin eru út vegna keppnistímabilsins 2020 ekki gilda.
Athugasemdir
banner
banner