---

Aston Villa vonast til að framlengja við besta leikmann sinn, Jack Grealish (25). Villa ætlar sér að bjóða Grealish 150 þúsund pund á viku, en hann er eftirsóttur af Manchester City. (Telegraph)

Juventus býst við því að Cristiano Ronaldo (36) taki fljótlega ákvörðun varðandi framtíð sína. Samningur stórstjörnunnar við Juventus rennur út eftir næstu leiktíð. (Tuttosport)

Manchester United sendi njósnara til að fylgjast með Adrien Rabiot (26), leikmanni Juventus, á leik Frakklands við Sviss á EM. (Star)

Juventus er sagt vera komið í baráttuna um Granit Xhaka (28), miðjumann Arsenal. Roma er einnig á eftir honum. (Calciomercato)

Emile Smith-Rowe (20) er búinn að ná munnlegu samkomulagi um að framlengja við Arsenal. Aston Villa hefur lagt fram tvö tilboð í hann, en hann er ekki á leið neitt. (Express)

Crystal Palace, Southampton og Norwich líta til Thomas Delaney (29), miðjumanns Borussia Dortmund. Samningur hans við Dortmund rennur út 2022. (Sky Germany)

Chelsea hefur áhuga á Miralem Pjanic (31), miðjumanni Barcelona. Pjanic gekk í raðir Barca fyrir 12 mánuðum en Börsungar vilja létta á launapakka sínum. (Sun)

Búist er við því að Jack Harrison (24) gangi formlega í raðir Leeds í vikunni eftir að hafa verið á láni hjá félaginu frá Manchester City undanfarin þrjú tímabil. (Manchester Evening News)

Leeds er einnig að ganga frá kaupum á bakverðinum Junior Firpo (24) sem kemur frá Barcelona. (Goal)

Manchester United er ekki að horfa lengur til Ousmane Dembele (24), kantmanns Barcelona, eftir að leikmaðurinn meiddist á EM með franska landsliðinu. (Mirror)

Arsenal mun líklega gera formlegt tilboð í Aaron Ramsdale (23), markvörð Sheffield United, þegar EM lýkur. Hann er í enska landsliðshópnum. (Sheffield Star)

Liverpool er komið langt í viðræðum um kaup á Otavio (25), brasilískum miðjumanni Porto. Hann er hugsaður sem arftaki Georginio Wijnaldum. (Express)

Aston Villa hefur áhuga á að fá Axel Tuanzebe (23), miðvörð Manchester United, á láni. (Football Insider)

Villa hefur einnig áhuga á Tammy Abraham (23), sóknarmanni Chelsea. Það er 40 milljón punda verðmiði á honum, en það er of mikið fyrir West Ham sem hefur einnig áhuga. (Eurosport)

Mike Ashley, eigandi Newcastle, er ekki hrifinn af þeirri hugmynd að borga kaupverð fyrir leikmenn sem eru eldri en 27 ára. Því gengur illa að landa Mario Lemina sem verður 28 ára í september. (Mail)

Connor Roberts, hægri bakvörður Wales og Swansea, er á óskalista Burnley. (Mail)