Byrjunarlið Stjörnunnar í Finnlandi: Fyrirliðinn kemur inn

Klukkan 16:00 mætir Stjarnan finnska liðinu Ilves í seinni leik liðanna í 2. umferð forkeppninnar í Sambandsdeildinni. Leikurinn fer fram í Tampere í Finnlandi og er Stjarnan með eins marks forystu eftir fyrri leikinn. Það var Guðmundur Baldvin Nökkvason sem skoraði eina markið fyrir viku síðan á Samsungvellinum í Garðabæ.

Frá þeim leik gerir Jón Þór Hauksson eina breytingu. Fyrirliðinn Guðmundur Kristjánsson kemur inn fyrir Sindra Þór Ingimarsson sem tekur sér sæti á bekknum. Frá deildarleiknum gegn ÍA síðasta sunnudag gerir Jón Þór fjórar breytingar. Þeir Alex Þór, Árni Vilhjálmsson, Bjarki Hausson og Daníel Finns taka sér sæti á bekknum og þeir Benedikt Warén, Emil Atlason, Þorri Mar Þórisson og Guðmundur Baldvin snúa aftur í byrjunarliðið.