Haraldur Freyr: Náum ekki að tengja mikið af sendingum og erum bara lélegir

„Ágætis fyrri hálfleikur hjá okkur, seinni hálfleikurinn ekki góður" sagði Haraldur Freyr Guðmundsson þjálfari Keflavíkur eftir tapið í dag. 

„Sérstaklega eftir að við lendum undir þá er mikið af feil sendingum og við náum ekki að tengja mikið af sendingum og erum bara lélegir" 

Það var jafnræði með liðunum í fyrri hálfleik en FH tók öll völd í seinni hálfleik. 

„Það breytist kannski ekkert voðalega mikið. Þeir ná að komast inn í leikinn og þeirra leikur vex en svo eftir að þeir komast yfir þá gerðu þeir svo sem ekkert mikið í leiknum eftir það en verjast vel og við fáum einhverja sénsa til þess að jafna en það gekk ekki upp" 

Haraldur Freyr vildi ekki meina að það hafi verið mikill munur á liðunum heilt yfir í dag.

„Mér fannst ekkert vera svakalega mikill munur á þessum liðum. Þetta voru tvö jöfn lið sem að voru að eigast hérna við í dag og þeir vinna 2-1 í frekar lokuðum leik" 

Nánar er rætt við Harald Freyr Guðmundsson þjálfara Keflavíkur í spilaranum hér fyrir ofan.