30.08.26 - 22:39
Jóhann Þór Hólmgrímsson
Jón Sölvi seldur - Flýgur út á morgun
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Jón Sölvi Símonarson, markvörður ÍA, er á leið til Lyngby í Danmörku. Lárus Orri Sigurðsson, þjálfari ÍA, staðfesti að hann myndi fljúga út á morgun í viðtali við Fótbolta.net eftir dramatískt jafntefli gegn Val í kvöld.
Jón Sölvi er 19 ára markvörður sem ÍA keypti af Breiðabliki í vor og fengu Skagamenn þá undanþágu til að kaupa markvörðinn efnilega utan félagaskiptaglugga. Hann spilaði 8 leiki í deildinni og einn í bikar í sumar.
„Það var áhugi að utan. Menn voru að fylgjast með honum þegar hann var að spila með okkur í sumar. Hann er gríðarlega efnilegur og flottur markmaður, vonandi að honum gangi vel," sagði Lárus Orri.
Danska úrvalsdeildarfélagið er mikið Íslendingafélag. Ísak Snær Þorvaldsson er lykilmaður í liðinu og þeir Daníel Freyr Kristjánsson og Davíð Helgi Aronsson eru sömuleiðis í hópnum. Davíð Helgi er á láni frá Víkingum. Liðið er í 11. sæti deildarinnar með þrjú stig eftir sex umferðir.
„Það var áhugi að utan. Menn voru að fylgjast með honum þegar hann var að spila með okkur í sumar. Hann er gríðarlega efnilegur og flottur markmaður, vonandi að honum gangi vel," sagði Lárus Orri.
Danska úrvalsdeildarfélagið er mikið Íslendingafélag. Ísak Snær Þorvaldsson er lykilmaður í liðinu og þeir Daníel Freyr Kristjánsson og Davíð Helgi Aronsson eru sömuleiðis í hópnum. Davíð Helgi er á láni frá Víkingum. Liðið er í 11. sæti deildarinnar með þrjú stig eftir sex umferðir.
