Úrslitakeppni 5. deildar: Stokkseyri í góðum málum - Jafnt hjá Hömrunum og Smára
Hamrarnir geta farið upp annað árið í röð
Mynd: Akureyri.net/Ármann Hinrik
Hamrarnir geta farið upp annað árið í röð
Mynd: Akureyri.net/Ármann Hinrik
Smári tóku á móti Hömrunum í hádeginu í fyrri undanúrslita leik í úrslitakeppni 5.deildar karla.
Hamrarnir byrjuðu leikinn betur og strax á 13. mínútu kom Tómas Veigar Hömrunum yfir með skalla sem lak inn í markið. Smáramenn sóttu svo aðeins og náðu að jafna leikinn 1-1 á 24. mínútu með marki frá Arnari Frey og staðan í hálfleik 1-1. Smári byrjaði seinni hálfleikinn af miklum krafti og komust yfir á 47. mínútu með marki frá Gunnari Breka Mýrdal, Hamrarnir fengu vítaspyrnu á 60.mínútu eftir góðann sprett frá Kára Gunnarsyni sem var tekinn niður í vítateig Smára, á punktinn steig Gunnar Þórir Björnsson sem setti boltann beint á Róbert Aron í marki Smára sem sló boltann í markið og boltinn lak inn. Lokatölur 2-2 og seinni leikurinn fer fram 5. september á Greifavellinum.
Smári 2 - 2 Hamrarnir
0-1 Tómas Veigar Eiríksson ('13 )
1-1 Arnar Freyr Sigurgeirsson ('24 )
2-1 Gunnar Breki Myrdal Gunnarsson ('47 )
2-2 Gunnar Þórir Björnsson ('61 )
Stokkseyri tóku svo á móti Skallagrím í seinni leik dagsins.
Arilíus Óskarsson kom Stokkseyri yfir með góðri vítaspyrnu á 37. mínútu en stuttu fyrir hálfleik mætti Carlos Javier Castellano og jafnaði metin á 42. mínútu og staðan í hálfleik því 1-1. Það dró svo ekki til tíðinda fyrr en á 83. mínútu þegar Hafþór Berg Ríkharðsson kom Stokkseyri yfir 2-1 og í mjög góða stöðu fyrir seinni leikinn í undanúrslitunum.
Seinni leikurinn fer fram á Skallagrímsvelli laugardaginn 5. september.
Stokkseyri 2 - 1 Skallagrímur
1-0 Arilíus Óskarsson ('37 )
1-1 Carlos Javier Castellano ('42 )
2-1 Hafþór Berg Ríkarðsson ('83 )
