Það eru fjórir leikir á dagskrá í íslenska boltanum í dag þar sem mikil spenna er við völd og úrslitaleikur Lengjudeildar karla fer fram.
Fyrstu þrír leikir dagsins eru þó í efri hluta Bestu deildar kvenna, þar sem fjögur lið eru enn í baráttu um 2. sætið sem veitir þátttökurétt í Evrópu á næstu leiktíð.
Breiðablik er í öðru sæti sem stendur, með tveggja stiga forystu á Stjörnuna þegar tvær umferðir eru eftir. Blikar taka á móti FH í dag og færi sigur þar langleiðina með að tryggja Kópavogskonum sæti í Evrópu.
Þróttur R. og Þór/KA fylgja fast á eftir og eiga enn möguleika á öðru sætinu, þó þeir séu ekki miklir.
Að lokum er úrslitaleikur umspils Lengjudeildarinnar þar sem Vestri og Afturelding eigast við á Laugardalsvelli.
Afturelding var með gífurlega forystu og virtist ætla að rúlla yfir Lengjudeildina og tryggja sér titilinn snemma, en eftir mikið basl á lokakaflanum misstu Mosfellingar nágranna sína frá Akranesi framúr sér.
Það er mikið undir í svokallaða '50 milljón króna leiknum' og verður áhugavert að fylgjast með honum, þar sem Ísfirðingar reyna að koma sér upp í efstu deild í fyrsta sinn síðan 1983.
Mosfellingar eru einnig hungraðir í sögulegt sæti í efstu deild.
Besta-deild kvenna - Efri hluti
14:00 Breiðablik-FH (Kópavogsvöllur)
14:00 Þróttur R.-Valur (AVIS völlurinn)
15:00 Þór/KA-Stjarnan (VÍS völlurinn)
Lengjudeild karla - Umspil
16:00 Vestri-Afturelding (Laugardalsvöllur)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
