Markakóngur og besti leikmaður Lengjudeildarinnar.
Heiðar í baráttunni við Derek Geary á sínum tíma.
Sean Dyche.
Oliver Heiðarsson var besti leikmaður Lengjudeildarinnar í sumar. Hann endaði sem markahæsti leikmaður deildarinnar, skoraði fjórtán mörk fyrir toppliðið ÍBV sem verður í Bestu deildinni á næsta tímabili.
Í tilefni þess var hann til viðtals hér á Fótbolta.net. Oliver dvelur þessa dagana á Englandi þar sem hann æfir með Watford.
Í tilefni þess var hann til viðtals hér á Fótbolta.net. Oliver dvelur þessa dagana á Englandi þar sem hann æfir með Watford.
„Ég er á Englandi, ég er að prófa að æfa með Watford. Pabbi heyrði í þeim og spurði hvort ég mætti koma og sjá hvernig þetta væri. Ég er búinn að æfa með U21 liði Watford síðan á miðvikudaginn. Ég fer svo til Liverpool um helgina og geri eins hjá Everton," segir Oliver.
Pabbi Olivers er Heiðar Helguson sem lék með Watford á árunum 1999-2005 og aftur tímabilið 2009-10, þá á láni frá QPR.
„Ég var ekkert búinn að spá í þessum möguleika. Þessi hugmynd kom upp í síðasta mánuði. Getustigið hér er aðeins hærra en á Íslandi, æfingarnar aðeins hraðari, en enginn svakalegur munur."
„Þetta er í fyrsta skiptið sem ég geri eitthvað svona, þetta er alveg mjög gaman."
Ertu að gera þér vonir um að fá kallið á eina aðalliðsæfingu eða eitthvað svoleiðis?
„Ekkert þannig, en það væri gaman. Ég held það væri erfitt," segir Oliver sem fór á leik Watfod á Sunderland á laugardag og sá Watford vinna 2-1 heimasigur á Vicarage Road. Watford er í 7. sæti Championship-deildarinnar.
Af hverju Everton?
Sean Dyche, stjóri Everton, var tímabilin 2002-2005 samherji Heiðars hjá Watford.
„Pabbi spilaði með honum í Watford og þeir eru ennþá góðir félagar. Pabbi hringdi í hann á sínum tíma þegar hann var aðstoðarþjálfari Kórdrengja og fékk markmann á láni frá honum," segir Oliver.
Sá markmaður heitir Lukas Jensen og er í dag aðalmarkvörður Millwall í Championship deildinni. Lengra viðtal við Oliver verður birt seinna í dag.
Lukas Jensen kom til Kórdrengja á láni frá Burnley tímabilið 2021.
Athugasemdir
