Byrjunarlið Íslands: Steini stillir upp sínu sterkasta liði

Ísland mætir Kýpur í fjórða leik sínum í undankeppni HM á Kýpur í dag. Ísland er með sex stig eftir sigra gegn Tékklandi og einmitt Kýpur. Leikur liðanna á Laugardalsvelli endaði með 5-0 sigri Íslands í október.

Ísland lék vináttuleik á fimmtudag gegn Japan og vann íslenska liðið 2-0 sigri. Leikurinn í dag hefst klukkan 17:00 og er í beinni útsendingu á RÚV og beinni textalýsingu hér á Fótbolti.net.

Þorsteinn Halldórsson, þjálfari liðsins, stillir upp sama liði og vann 4-0 sigur gegn Tékklandi í síðasta mánuði.

Frá leiknum gegn Japan eru sex breytingar. Inn í liðið koma þær Sandra, Guðný, Guðrún, Hallbera, Dagný og Berglind.