Gluggakvöldvaktin - Glugganum lokað 23

Já já, þetta er bara að gerast ???? pic.twitter.com/xY2jdPmR67

— Jóhann Már Helgason (@Joimar) January 31, 2023

Það er allt klárt með Enzo. Hann verður leikmaður Chelsea í kvöld.

Það sem er ótrúlegt í þessu er að Fernandez var keyptur til Benfica frá River Plate síðasta sumar fyrir 10 milljónir evra.

Núna er hann að fara til Chelsea fyrir 120 milljónir evra um sjö mánuðum síðar.

Ótrúlegt!

Þá er það líka alveg ljóst að Pedro Porro fer í Tottenham.

????? ???????????????????? ???? ???????????????????????? são as tuas cores ?????

Bem-vindo, @HectorBellerin ?? #EuSouSporting

— Sporting Clube de Portugal (@Sporting_CP) January 31, 2023

Eins og búist var við þá mun Enzo Fernandez skrifa undir langan samning við Chelsea.

Átta og hálft ár!

Samkvæmt Matt Law hjá Telegraph þá mun Chelsea borga 120 milljón evra riftunarverð Fernandez í þremur greiðslum yfir tvö ár.

Viðræður um Enzo Fernandez hafa staðið yfir í tólf tíma stanslaust. Spurning hvað varð til þess að Benfica ákvað loksins að samþykkja tilboð Chelsea. Sama hvað það er, þá hlýtur það að vera erfitt fyrir Chelsea að standast fjármálareglur eftir að þeir ná honum inn.

Chelsea er búið að kaupa tvo af sex dýrustu leikmönnum í sögu enska boltans í þessum glugga. Mykhaylo Mudryk kostaði 100 milljónir evra og Fernandez kostar 120 milljónir evra.

???? Enzo Fernandez's move to Chelsea will be a new British record transfer fee.

(Source: talkSPORT) #DeadlineDay pic.twitter.com/UbxOQ6LkgT

— Transfer News Live (@DeadlineDayLive) January 31, 2023

Todd Boehly, þessi maður.

Maður þarf eiginlega að ná sér niður eftir þessi tíðindi. Þvílíkt og annað eins!

Það er klukkutími eftir af félagaskiptaglugganum fyrir ensk félög. Minni á það að félög geta enn klárað skipti eftir þann tíma ef þau klára að skrifa undir ákveðin skjöl áður en frestur til þess rennur út.

Nei, ekki um Enzo.

En Chelsea er búið að samþykkja að leyfa kantmanninum Hakim Ziyech að fara til Paris Saint-Germain á láni.

Everton reynir og reynir, en það gengur ekkert upp. Félagið reyndi að fá franska sóknarmanninn Olivier Giroud á láni frá AC Milan en leikmaðurinn hafði ekki nokkurn skapaðan áhuga á því að fara á Goodison Park.

Ég skil það mjög vel ef stuðningsmenn Everton eru reiðir með það hvernig dagurinn hefur farið... Og hvernig tímabilið hefur farið.

Everton gerði mjög seinbúið tilboð í Ismaila Sarr, kantmann Watford, en því var hafnað um leið. Everton ætlaði að borga 2 milljónir punda til þess að fá hann á láni út leiktíðina.

Var það innifalið í tilboðinu að Everton myndi þá borga 30 milljónir punda til þess að kaupa hann ef félagið myndi halda sér uppi.

Stoke er að selja miðvörðinn Harry Souttar til Leicester. Stoke er að reyna að fá Axel Tuanzebe frá Manchester United til að fylla í hans skarð.

Sagt er að viðræðurnar á milli Benfica og Chelsea um Enzo Fernandez séu á góðum stað, en þetta verður tæpt!

Íslenski unglingalandsliðsmarkvörðurinn Jökull Andrésson var að skipta um félag á gluggadegi. Hann er farinn frá Reading til Stevenage sem leikur í ensku D-deildinni.

Kantmaðurinn Anthony Elanga verður áfram hjá Manchester United. Hann var sterklega orðaður við Everton og var þá talað um lánssamning.

Wrexham var að semja við Eoghan O’Connell. Í tilefni af því buðu Hollywood-eigendur þeirra upp á skemmtilegt myndband.

Hmmm ???????? ?????????????????????????????? pic.twitter.com/JyBlMuGojd

— Ryan Reynolds (@VancityReynolds) January 31, 2023

Jorginho kveðst virkilega ánægður með það að vera kominn í Arsenal. Hann segist vita til þess að Mikel Arteta, stjóri Arsenal, hafi reynt að fá sig nokkrum sinnum, en það hafi ekki gengið upp - ekki fyrr en núna. Hann segir að Arteta spili stóran þátt í ákvörðun sinni að koma yfir til Arsenal.


Mikel Arteta

Danski miðvörðurinn Jannik Vestergaard vildi fara frá Leicester í þessum glugga en hann er ekki að fara neitt í dag. Hann segir að ástæðan sé sú að konan hans sé að fara eignast annað barn þeirra hjóna og núna er hún komin langt á leið. Konan hans getur ekki ferðast núna og því fer hann ekki fet.

Adnan Januzaj, fyrrum kantmaður Manchester United, er í viðræðum við Istanbul Basaksehir í Tyrklandi.

Bournemouth er líka búið að ganga frá kaupunum á Hamed Traore frá Sassuolo fyrir 30 milljónir evra.

Samskiptadeildin hjá Bournemouth var að gefa út þetta flotta myndband í kjölfarið á kaupum félagsins á Ilya Zabarkyi.

???? ???????????????? ????????????????: Bournemouth have signed centre-back Ilya Zabarnyi from Dynamo Kyiv. £24m fee. Deal until June 2028.

(Source: @afcbournemouth)#DeadlineDay pic.twitter.com/NNfn7rTlmN

— Transfer News Live (@DeadlineDayLive) January 31, 2023

Úkraínski miðvörðurinn Ilya Zabarkyi er genginn til liðs við Bournemouth frá Dynamo Kiev.

Hey @FootballManager – have you got any wonderkid suggestions? ????

— AFC Bournemouth ???? (@afcbournemouth) January 31, 2023

Hér fyrir neðan er ýmislegt af því sem er verið að vinna í og á eftir að staðfesta.

Enzo Fernandez til Chelsea
Marcel Sabitzer til Man Utd
Pedro Porro til Tottenham
Matt Doherty til Atletico Madrid
Cedric Soares til Fulham
Hakim Ziyech til PSG
Harry Souttar til Leicester
Felipe til Nottingham Forest
Jonjo Shelvey til Nottingham Forest
Keylor Navas til Nottingham Forest
Kamaldeen Sulemana til Southampton
Paul Onuachu til Southampton
Albert Sami Lokonga til Crystal Palace

Pedro Porro er búinn að skrifa undir samning sinn við Tottenham og er því orðinn leikmaður félagsins.

Jorginho verður númer 20 hjá Arsenal.

Jorginho. Arsenal’s new number 20 ?????? pic.twitter.com/98SrA81biG

— Transfer News Live (@DeadlineDayLive) January 31, 2023

Það eru þrír tímar til stefnu fyrir ensk félög áður en glugginn lokar.

England: 23:00
Þýskaland: 17:00
Ítalía: 19:00
Spánn: 23:00
Frakkland: 23:59

Nei, hættu nú alveg. Það gengur ekkert hjá Everton að finna leikmenn og núna segir franska íþróttablaðið L'Equipe að félagið sé að vinna í því að fá Andre Ayew sem er án félags.

Everton er á ansi vondum stað í augnablikinu.

Hann er lentur.

???? Marcel Sabitzer has landed in Manchester. ?????????????

Manchester United are in the process of sorting the paperwork to get the deal over the line before the window shuts.

(Source: @David_Ornstein) #DeadlineDay

— Transfer News Live (@DeadlineDayLive) January 31, 2023

Gianluca Di Marzio segir að Tottenham muni tilkynna kaupin á bakverðinum Pedro Porro frá Sporting innan skamms.

Austurríkismaðurinn Marcel Sabitzer hlýtur að vera að lenda í Manchester. Eða þá að hann sé lentur nú þegar.

Hann er að ganga í raðir Manchester United.

David Ornstein og Fabrizio Romano segja það báðir klárt að Cedric sé á leið til Fulham frá Arsenal.

????????? #DeadlineDay https://t.co/wr6Vm0DdvD

— Fabrizio Romano (@FabrizioRomano) January 31, 2023

West Brom ætlar sér upp í ensku úrvalsdeildina. Félagið er að vinna í því að fá Omari Hutchinson, ungan leikmann Chelsea, á láni.

West Bromwich have now reached an agremeent with Chelsea to sign Omari Hutchinson on loan. Clubs are set to exchange contracts. ???????? #CFC

Omari has accepted, working on the documents. First call @TheAthleticFC. pic.twitter.com/ZjA9GiXpYq

— Fabrizio Romano (@FabrizioRomano) January 31, 2023

Fréttir frá Ítalíu! Lazio var að krækja í vinstri bakvörðinn Luca Pellegrini frá Juventus.

Nottingham Forest hefur náð samkomulagi við PSG um markvörðinn Keylor Navas. Núna er bara spurning hvort það verði hægt að ganga frá öllum smáatriðunum áður en glugginn lokar.

The Athletic greinir frá því að búist sé við því að Fulham fái bakvörðinn Cedric Soares á láni frá Arsenal. Fulham þarf þá að kaupa leikmann sem er nú þegar hjá félaginu. Það er gert ráð fyrir því að Fulham muni þá kaupa miðvörðinn Shane Duffy frá Brighton, en hann hefur verið á láni hjá félaginu.

Fjárhagsstaða Barcelona er ekki góð en félagið er samt á markaðnum. Börsungar eru að kaupa Julian Araujo, 21 árs gamlan hægri bakvörð frá LA Galaxy í Bandaríkjunum.

???? Barcelona are very close to signing Julian Araujo from LA Galaxy. ????????????????

Agreement imminent between the two clubs for the right-back.

(Source: @FabrizioRomano)#DeadlineDay pic.twitter.com/vEZUVG229v

— Transfer News Live (@DeadlineDayLive) January 31, 2023

Fabrizio Romano segir núna frá því að PSG og Chelsea séu nálægt því að ná saman um Hakim Ziyech. Líklegt að Ziyech endi hjá PSG.

Fulham var að kaupa serbneska landsliðsmanninn Sasa Lukic. Hann kemur úr röðum Torino fyrir 10 milljónir evra.

Confirmed. Saša Luki?, new Fulham player on a permanent deal from Torino for €10m fee add-ons included. ???????????? #DeadlineDay@MozzartSport ?????? pic.twitter.com/IGY6fJGoGM

— Fabrizio Romano (@FabrizioRomano) January 31, 2023

Watford var að krækja í hollenska varnarmanninn frá Anderlecht.

Hoedt in the house. ???? pic.twitter.com/8NFyjyCkXq

— Watford Football Club (@WatfordFC) January 31, 2023

Fabrizio Romano segir að það sé útilokað að Sofyan Amrabat fari til Barcelona. Börsungar geta aðeins fengið hann á láni út af fjárhagsstöðu sinni, en Fiorentina mun ekki samþykkja það. Ekki möguleiki!

Tottenham á líka eftir að gefa út tilkynningu fyrir Pedro Porro sem er að koma frá Sporting. Styttist í það.

Þetta er nú farið að róast svolítið, en við eigum eftir að fá tilkynningar frá Arsenal og Manchester United varðandi Jorginho og Sabitzer.

Svo á það eftir að koma í ljós hvort Enzo Fernandez endi hjá Chelsea eða ekki.

Hægri bakvörðurinn Matt Doherty er búinn að skrifa undir hjá Atletico Madrid og verður það tilkynnt fljótlega. Hann kemur frá Tottenham á láni.

Það gengur ekkert hjá Everton að finna leikmenn í dag, en það virðist enginn spenntur að fara þangað. Félagið skoðaði að fá belgíska sóknarmanninn Michy Batshuayi en hann er sáttur hjá Fenerbahce í Tyrklandi.

PSG er að reyna að fá varnarmanninn Milan Skriniar frá Inter og kantmanninn Hakim Ziyech frá Chelsea áður en glugginn lokar. Það gengur hægt.

Samkvæmt Daily Mail þá spurðist Manchester United fyrir um Daichi Kamada, miðjumann Eintracht Frankfurt, en hann verður samningslaus í lok tímabils.

Þá hafa einnig verið fréttir um áhuga United áhuga Houssem Aouar, miðjumanni Lyon í Frakklandi.

Er möguleiki á því að Man Utd kræki í fleiri en Sabitzer áður en glugginn lokar? Það er ólíklegt en ekki útilokað.

Inter reyndi að fá franska varnarmanninn Benjamin Pavard frá Bayern München en það gekk ekki eftir.

Það voru sögur um það áðan að Liverpool ætlaði að reyna við N'Golo Kante, miðjumann Chelsea. En það er ekki að fara að gerast.

Liverpool er ekki að fara að bæta meira við sig.

???? A private flight was just scheduled from Munich to Manchester for Sabitzer about 20 minutes ago [@Muppetiers] pic.twitter.com/L2CnT5UxAp

— United Zone (@ManUnitedZone_) January 31, 2023

Bakvörðurinn Ivan Fresneda verður áfram í herbúðum Real Valladolid þrátt fyrir áhuga Arsenal og Dortmund. Líklegt þykir að hann verði á ferðinni næsta sumar. Efnilegur leikmaður þarna á ferðinni.

Kóngurinn Liam Gallagher vill fá Jude Bellingham í Manchester City. Það gæti gerst næsta sumar, en gerist ekki í dag.

Jude Bellingham Man City c’mon you know

— Liam Gallagher (@liamgallagher) January 31, 2023

Ayoze Perez, leikmaður Leicester, er á leið til Real Betis í spænsku úrvalsdeildinni. Hann hefur lengi spilað á Englandi, fyrst með Newcastle og svo með Leicester.

Man Utd er að fá Marcel Sabitzer á láni, en það er ekkert meira fólgið í því. Félagið hefur ekki samið við Bayern um að eiga möguleika á því að kaupa hann fyrir ákveðna upphæð næsta sumar.

TRUE? @ManUtd will have no buy-option for Marcel Sabitzer @BILD_Sport

— Christian Falk (@cfbayern) January 31, 2023

Núna segir sagan að Man Utd hafi verið boðið að fá Saul frá Atletico Madrid en félagið hafi haft engan áhuga á því. Hann lék með Chelsea á láni á síðustu leiktíð og gat ekki neitt.

???? #LUFC wishes Diego Llorente all the best, after the defender completed his loan move to AS Roma

— Leeds United (@LUFC) January 31, 2023

Sofyan Amrabat, sem var frábær með Marokkó á HM, er víst alveg að missa sig. Hann er svo æstur í að komast til Barcelona en vandamálið er það að Börsungar eiga engan pening til þess að krækja í hann.

Það er Domino's sem færir þér Gluggavaktina á Fótbolta.net.

Það styttist í kvöldmatinn og ansi líklegt að maður sæki sér Domino's fyrst maður er að taka kvöldvaktina og nóg um að vera á gluggadeginum.

Thorgan Hazard er á leið frá Borussia Dortmund til PSV Eindhoven í Hollandi.

Hann er yngri bróðir Eden Hazard, sem var einn allra besti fótboltamaður í heimi fyrir nokkrum árum.

Það er nóg að gera á skrifstofunni fyrir sunnan. Paul Onuachu, sóknarmaður Genk í Belgíu, er einnig á leiðinni. Mun hann kosta um 18 milljónir punda.

Southampton ætlar ekki að falla.

Dýrlingarnir í Southampton eru að kaupa Kamaldeen Sulemana frá Rennes í Frakklandi. Hann verður dýrasti leikmaður í sögu Southampton; mun kosta allt að 24,6 milljónir punda.

Sulemana, semer tvítugur að aldri, var fljótasti leikmaðurinn á HM í Katar. Hann er vinstri kantmaður sem var einnig orðaður við Everton.

Fréttamaðurinn Miguel Delaney segir að Man Utd hafi líka skoðað það að fá Ryan Gravenberch frá Bayern og Youri Tielemans frá Leicester. Þá var einnig skoðað að taka Isco sem er án félags.

Bayern vildi ekki sleppa Gravenberch og Leicester bað um mikinn pening fyrir Tielemans. Isco þótti ekkert sérlega spennandi.

United er því að taka Sabitzer.


Youri Tielemans

Bournemouth, sem er að berjast fyrir lífi sínu í ensku úrvalsdeildinni, er að kaupa úkraínska landsliðsmanninn Illya Zabarnyi frá Dynamo Kiev fyrir 24 milljónir punda. Hann er miðvörður.

Það er svo gott sem staðfest.

Nottingham Forest heldur enn í vonina um að Keylor Navas verði leikmaður félagsins í gluggalok. Forest er að reyna að fá hann frá Paris Saint-Germain.

Þetta er ekki í fyrsta sinn þar sem smá dramatík er í kringum Navas á gluggadegi.

Sjá einnig:
Navas grét þegar hann fór ekki til Manchester United

???? Marcel Sabitzer at Munich airport shortly before taking off to Manchester.

(???? @Sky_Torben) #DeadlineDay
pic.twitter.com/0sSR6HdHHL

— Transfer News Live (@DeadlineDayLive) January 31, 2023

Það er búið að loka glugganum á milli félaga í úrvalsdeild kvenna á Englandi og því ljóst að enska landsliðskonan Alessia Russo mun ekki færa sig frá Arsenal til Manchester United að þessu sinni.

Sjá einnig:
Man Utd hafnaði öðru heimsmetstilboði frá Arsenal

Chalobah var eitt sinn undrabarn er hann var hjá Chelsea. Hann var núna að ganga í raðir West Brom frá Fulham.

Nizaar Kinsella, sem fjallar um Chelsea fyrir Evening Standard í Bretlandi, segir að Jorginho sé mjög vanmetinn og að Arsenal sé gera góð kaup með því að fá hann.

"Arsenal er að gera góð kaup með því að fá hann á 12 milljónir punda. Chelsea gat misst hann á frjálsri sölu eða fengið 12 milljónir fyrir hann. Ég held að þeir hafi hallast að því að taka peninginn núna þar sem Graham Potter hefur ekki verið að velja hann mikið undanfarið."

Verður leikmaður Sporting eftir stutt stopp í Barcelona.

???? Hector Bellerin has arrived in Lisbon to complete his move to Sporting CP.

(???? @FR_SportingCP)#DeadlineDay pic.twitter.com/JA6ps9JUoN

— Transfer News Live (@DeadlineDayLive) January 31, 2023

Miðjumaðurinn Sergi Canos er mættur til Olympiakos á láni frá Brentford.

Marc Cucurella, varnarmaður Chelsea, var að svara spurningum um liðsfélaga sína fyrir vefmiðilinn Goal. Þar var hann spurður að því hver væri gáfaðasti leikmaðurinn hjá Chelsea. Hann þurfti að breyta svari sínu eftir að hann sagði 'Jorginho'.

???????? The moment Cucurella found out Jorginho was transferring to Arsenal! pic.twitter.com/0WjDwiOqVl

— EuroFoot (@eurofootcom) January 31, 2023

Þetta þýðir það að ekvadorski landsliðsmaðurinn Moises Caicedo verður áfram hjá Brighton. Arsenal lagði mikið kapp í það að kaupa leikmanninn en Brighton neitaði að selja.

Fyrirliði Manchester United er ekki á leið til Inter. Hann verður áfram á Old Trafford.

Despite links with Inter, Harry Maguire will not leave Manchester United. No chance, never been a concrete option in January. ?????? #MUFC

Maguire is staying at Manchester Utd at least until end of the season. pic.twitter.com/InS9cma4yj

— Fabrizio Romano (@FabrizioRomano) January 31, 2023

Það ber að taka fram að enn er ekkert samkomulag í höfn er kemur að miðjumanninum Enzo Fernandez. Chelsea og Benfica eru enn að ræða saman.

Það er verið að flýta ferlinu með því að undirbúa læknisskoðun þar sem það styttist í að glugganum loki.

Ef Chelsea nær að landa Fernandez þá verður hann dýrasti leikmaður í sögu ensku úrvalsdeildarinnar.

Það er Domino's sem færir þér Gluggavaktina á Fótbolta.net. Gluggadagur á þriðjudegi = Þriðjudagstilboð!

England: 23:00
Þýskaland: 17:00
Ítalía: 19:00
Spánn: 23:00
Frakkland: 23:59

Gluggadagurinn er enn í fullum gangi og ég verð með ykkur langt fram á kvöld. Endilega fylgist með.

Ég held að stærsta spurningin sé sú hvort Enzo Fernandez sé á leið til Chelsea en það standa yfir viðræður á milli Lundúnafélagsins og Benfica. Verður fróðlegt að sjá.