Fotbolti.net
31.01.23 - 07:50
Elvar Geir Magnússon
Dominos

Gluggadagvaktin - Tíðindi og slúður

<b>Gluggadagvaktin</b> - Tíðindi og slúður
Canon

Mynd: Fótbolti.net/Getty Images

Fótbolti.net fylgist með öllu því helsta sem gerist á gluggadeginum í beinni textalýsingu. Glugganum verður lokað klukkan 23:00 í ensku úrvalsdeildinni.

Smelltu hér til að fara í kvöldvaktina

Hér koma inn allar helstu slúðursögurnar sem eru í gangi, staðfestar fréttir og ýmsar vangaveltur. Það er Domino's sem færir þér Gluggavaktina á Fótbolta.net.

Það allra helsta á gluggadeginum:
Man Utd reynir við Sabitzer vegna meiðsla Eriksen
Cancelo frá Man City til Bayern (Staðfest)
Arsenal kaupir Jorginho
Slúðurpakkinn á Gluggadegi

Í beinni

16:10DAGVAKTINNI ER LOKIÐ!
Gluggadeginum sjálfum er þó alls ekki lokið og Guðmundur Aðalsteinn tekur nú við og verður með ykkur allt þar til glugganum verður lokað 23:00 í kvöld.

HÉR ER HÆGT AÐ FYLGJAST MEÐ KVÖLDVAKTINNI

Elvar Geir þakkar fyrir sig.
16:04SönderjyskE að fá Orra Stein á láni frá FCK
Nánar um málið hérna

15:58ENZO Á LEIÐ Í LÆKNISSKOÐUN HJÁ CHELSEA


Enzo Fernandez, miðjumaður Benfica og Argentínu, er á leið í læknisskoðun hjá Chelsea. Skoðunin er framkvæmd í Portúgal enda er enska félagið í kapphlaupi við tímann til að klára kaupin á honum áður en glugganum verður lokað.

Félögin hafa verið í strembnum viðræðum en nú virðist samkomulag hafa nást. Chelsea hefur sagt Benfica að félagið sé tilbúið að borga 106 milljóna punda riftunarákvæði í samningi leikmannsins.

Enzo tjáði Benfica að hann vildi ganga í raðir Chelsea í dag.
15:47Gömul og góð
Var næstum búinn að gleyma einni hefð. Þessi mynd af Mate Dalmay, þjálfara Hauka í körfubolta, fær alltaf að birtast á Gluggadeginum. Hinn íslenski Harry Redknapp.

15:45Allir rólegir bara, er það ekki?

15:43Velkomnir á St. James' Park
Í kvöld klukkan 20 verður seinni undanúrslitaleikur Newcastle og Southampton í deildabikarnum. Newcastle vann fyrri leikinn 1-0. Fyrir leikinn mun Newcastle kyna nýju leikmennina sína.
15:38Vaktaskipti framundan
Það styttist í að Guðmundur Aðalsteinn Ásgeirsson taki við lyklaborðinu og sjái um kvöldvaktina, alveg þar til glugganum verður lokað klukkan 23.

Hér er tengill á kvöldvaktina
15:31Lánaður frá Bournemouth til Auxerre
15:29Cancelo mættur til starfa hjá Bæjurum
15:28Gallagher heldur kyrru fyrir í Chelsea


Conor Gallagher yfirgefur ekki Chelsea í dag. Mörg félög hafa sýnt honum áhuga; þar á meðal Aston Villa, Crystal Palace, Everton, Newcastle United og West Ham United.

Gallagher er 22 ára og var lánaður til Palace á síðasta tímabili. Athletic segir að það sé lítill áhugi hjá Chelsea á því að láta hann aftur fara á láni.

Þá hafa þau tilboð sem hafa borist ekki verið í samræmi við verðlagningu félagsins. Chelsea hefur mikla trú á Gallagher og hann er á góðum aldri miðað við uppbygginguna sem á sér stað á Stamford Bridge.

Það þurfa að eiga sér stað ansi óvæntar vendingar ef Gallagher fer eitthvað fyrir gluggalok.
15:23Chelsea og Benfica enn í viðræðum um Enzo Fernandez
Þetta er eitthvað sem gæti verið í gangi alveg fram að gluggalokun...
15:22Dagur Dan í sólina (Staðfest)
15:18


Meðal þess sem hlýtur að fara að detta inn er staðfesting á því að varnarmaðurinn Diego Llorente sé mættur til Roma frá Leeds.
15:11Fáar stórar (Staðfest) fréttir dottið inn hingað til
Það er ýmislegt í vinnslu og mikill ærslagangur víða, en hingað til hefur verið lítið um stór félagaskipti sem hafa verið staðfest það sem af er degi. Þetta gæti farið að rigna inn hvað úr hverju.
15:08Portsmouth hefur fengið lánsmann frá Man Utd
15:05AC Milan blæs á kjaftasögur


AC Milan hefur sent frá sér yfirlýsingu þar sem félagið blæs á þær kjaftasögur að viðræður félagsins við Rafael Leao um nýjan samning hafi siglt í strand. Portúgalinn er samningsbundinn til sumarsins 2024 og viðræður um nýjan samning standa yfir. Í yfirlýsingu Milan segir að þessar slúðursögur hafi haft neikvæð áhrif á ímynd félagsins og leikmannsins.
14:59Isco kom skyndilega með auknar kröfur


Union Berlín í Þýskalandi hefur sent frá sér yfirlýsingu þar sem segir að spænski sóknarmiðjumaðurinn Isco muni ekki ganga í raðir félagsins.

Í yfirlýsingunni segir félagið að þessi fyrrum leikmaður Real Madrid hafi breytt kröfum sínum frá því munnlega samkomulagi sem áður hafði náðst. Félagið hafi sín takmörk og hafi ekki verið tilbúið að ganga að kröfum hans. Nánar hérna.
14:50Opoku til Leicester (Staðfest)
Leicester City hefur fengið sóknarmanninn Nathan Opoku (21) frá Syracuse háskóla í Bandaríkjunum. Hann hafnaði möguleika á því að fara í MLS draftið til að ganga í raðir Leicester. Hann hefur verið lánaður út tímabilið til OH Leuven í Belgíu, systurfélags Leicester.

14:43Erfitt að halda með Everton...

14:41Sabitzer vill fara til Man Utd
14:39Terem Moffi til Nice (Staðfest)


Terem Moffi er genginn í raðir Nice frá Lorient. Moffi er 23 ára nígerískur framherji sem var orðaður við bæði Southampton og West Ham í glugganum.

Moffi kemur á láni frá Lorient út tímabilið en Nice þarf svo að kaupa hann alfarið í sumar. Alls kostar hann um 25 milljónir punda.

Hann kom til Lorient frá Kortrijk í Belgíu árið 2020 og hefur í 83 deildarleikjum skorað 32 mörk fyrir Lorient. Tólf mörk hefur hann skorað í átján leikjum á þessu tímabili.

Eini leikmaðurinn sem hefur skorað meira á tímabilinu er Kylian Mbappe sem hefur skorað þrettán mörk í deildinni.
14:29Rifjum það upp hvenær glugganum verður lokað
England: 23:00
Þýskaland: 17:00
Ítalía: 19:00
Spánn: 23:00
Frakkland: 23:59
14:28Harry Souttar í nærmynd
Ég skrifaði grein um Souttar meðan á HM stóð. Smelltu hér til að kynnast þessum skemmtilega leikmanni, sem er á leið til Leicester, nánar.

Skoski kletturinn í vörn Ástralíu - Skartar nýjum húðflúrum í Katar
14:26Bara tímaspursmál hvenær Leicester staðfestir kaupin á Harry Souttar
Er að klára læknisskoðun. Keyptur frá Stoke á 15 milljónir punda. Stór og stæðilegur miðvörður sem var frábær með Ástralíu á HM.
14:23Lokonga fer til Palace
Crystal Palace er að ganga frá lánssamningi við Albert Sambi Lokonga sem kemur frá Arsenal.
14:21Tottenham fékk leikmann - Beint í unglingaliðið


Tottenham krækti í dag í leikmann, á gluggadeginum sjálfum. Sá heitir Jude Soonsup-Bell (19) og kemur frá Chelsea. Hann mun fara í akademíuliðið hjá Spurs. Sjá nánar hérna.
14:18Útlit fyrir að Berge fari hvergi


Allt stefnir í að norski miðjumaðurinn Sander Berge verði áfram hjá Sheffield United, til sumarsins að minnsta kosti. Fulham og Newcastle höfðu sýnt honum áhuga.

Fulham hefur í staðinn gert átta milljóna punda samkomulag við Torino um miðjumanninn Sasa Lukic, sem var víst alltaf þeirra fyrsti kostur.

Lukic er búinn í læknisskoðun og verið er að ganga frá málum.

Eddie Howe, stjóri Newcastle, vill styrkja miðsvæðið en félagið hefur þegar eytt 45 milljónum punda í að fá Anthony Gordon frá Everton og ekki er útlit fyrir að félagið fái fleiri inn í þessum glugga.
14:13Pedro Porro er búinn í læknisskoðun hjá Tottenham
Undirritun á samningi næst á dagskrá. Ekkert vandamál, allt að ganga samkvæmt áætlun. Þessi 23 ára bavörður kemur frá Sporting Lissabon og mun skrifa undir fimm og hálfs árs samning við Spurs.
14:09Wigan fær varnarmann frá Arsenal
Wigan, sem er í fallbaráttu ensku Championship-deildarinnar, hefur fengið Omar Rekik, 21 árs varnarmann lánaðan frá Arsenal. Rekik var í unglingaliðum Manchester City og hefur leikið þrjá leiki fyrir landslið Túnis. Hann hefur ekki leikið aðalliðsleik fyrir Arsenal.
14:02Fleiri meiðslafréttir
Elneny fór í hnéaðgerð og óvíst hvort hann spili meira með Arsenal á tímabilinu
13:55Minnum á #Fotboltinet kassamerkið á Twitter
13:52Örvænting hjá Man Utd
„Marcel Sabitzer kemst ekki í liðið hjá Bayern München. Ég veit að þeir eru með tvo trausta leikmenn á miðsvæðinu en ef hann væri það góður þá væri hann að veita þeim samkeppni. Mér finnst þetta líta út eins og örvænting hjá Manchester United. Félagið hafði engan áhuga á honum 1. janúar," segir Paul Merson, sérfræðingur Sky Sports.

„Þetta er orðin örvænting þegar þú ert að reyna að kaupa varaskeifur frá Bayern München. Ég er ekki viss um að hann geri United betra lið."
13:46Martin Kelly til Wigan (Staðfest)
Wigan, sem spilar í Championship-deildinni, hefur fengið varnarmanninn reynslumikla Martin Kelly lánaðan frá West Brom út tímabilið. Kelly er 32 ára og hóf feril sinn hjá Liverpool þar sem hann spilaði 62 leiki.
13:44Josh Onomah yfirgefur Fulham
13:38Man Utd reynir að fá Sabitzer - Líka orðaður við Chelsea


Manchester United hefur sett sig í samband við Bayern München þar sem félagið vill fá Marcel Sabitzer.

Íþróttafréttamaðurinn Uli Kolher segir að Hasan Salihamidzic, íþróttastjóri Bayern, hafi rætt við bæði United og Chelsea um þennan 28 ára austurríska miðjumann.

Sagt er að Chelsea sé með aðra leikmenn í forgangi þó það hafi einnig áhuga á Sabitzer, þar á meðal er Enzo Fernandez.

United vill fá Sabitzer í ljósi meiðsla Christian Eriksen sem verður lengi frá. Bayern ku vera tilbúið að ræða það að lána Sabitzer eða selja hann alfarið.

Sabitzer hefur verið varamaður hjá Bayern en þýski landsliðsmaðurinn Joshua Kimmich heldur honum á bekknum.
13:12Enzo málið
Benfica er enn að reyna að fá Chelsea til að samþykkja að borga kaupverð á Enzo Fernandez með einni greiðslu. Chelsea vill skipta greiðslunni upp. Samkomulag er ekki í sjónmáli.
13:10
Miðjumaðurinn Marvelous Nakamba er á leið frá Aston Villa til Luton Town á lánssamningi út tímabilið. Nakamba er í læknisskoðun.
13:06Man Utd skoðar möguleika á að fá inn miðjumann
Telegraph segir að Manchester United sé með símann á lofti að skoða möguleika á því að fá inn miðjumann á lánssamningi í dag, í ljósi frétta af Christian Eriksen sem verður lengi frá.

Nánar um það hérna
12:56Vitinha fer ekki í enska boltann - Hann skellir sér til Marseille
12:53Enginn vill fara til Everton :(


Það gengur ekkert hjá Sean Dyche að styrkja leikmannahóp Everton.

Conor Gallagher hafði engan áhuga á að fara til Everton og Kamaldeen Sulemana valdi Southampton frekar en þá bláu.

Everton var einnig orðað við Victor Gyökeres, sóknarmann Coventry. Samkvæmt heimildum Sky Sports verður hinsvegar ekkert af því að hann færi sig um set í dag.
12:47Ólíklegt að Newcastle fái inn mann í dag
Newcastle vill fá Conor Gallagher, miðjumann Chelsea, en klukkan tifar og það er ólíklegt að Gallagher færi sig um set í dag. Newcastle er nýbúið að opna veskið og borga 45 milljónir punda fyrir Anthony Gordon frá Everton.
12:44Skriniar fer ekki til PSG í dag


Paris Saint-Germain vill ekki hækka tilboð sitt í Milan Skriniar (27 ára) svo slóvakíski miðvörðurinn fer ekki frá Inter í dag. Samningur Skriniar við ítalska félagið rennur út í sumar og þá má gera ráð fyrir því að hann skelli sér beint í borg ástarinnar.
12:41Nat Phillips fer ekki frá Liverpool


Nat Phillips verður áfram hjá Liverpool út tímabilið. Leikmaðurinn hafði vonast eftir því að komast annað til að fá meiri spiltíma en í ljósi meiðsla Konate verður Phillips áfram á Anfield.
12:30
Christophe Galtier stjóri PSG staðfestir að félagið sé að reyna að fá Hakim Ziyech. Eins og staðan er núna þá sé hann Chelsea leikmaður svo Galtier vill ekki tjá sig nánar.
12:22Gluggadagur - Besti dagurinn
Það er Domino's sem færir þér Gluggavaktina á Fótbolta.net. Gluggadagur á þriðjudegi = Þriðjudagstilboð!

12:21Carragher um kaup Arsenal á Jorginho
12:20Barcelona gerði tilboð í Sofyan Amrabat
En Fiorentina hafnaði því.
12:19Sulemana velur Southampton


Kamaldeen Sulemana er búinn að velja Southampton sem næsta áfangastað sinn á ferlinum. Ef Southampton nær samkomulagi við Rennes verður gengið frá kaupum á leikmanninum fyrir gluggalok.

Sulemana var einnig orðaður við Everton en hann vill fara til Southampton. Sulemana er tvítugur Ganverji sem kom til Rennes frá Nordsjælland fyrir einu og hálfu ári síðan.

Rennes greiddi sautján milljónir evra fyrir leikmanninn en er nú að selja hann á um 25 milljónir evra.
12:17Mun Barcelona krækja í leikmann í dag?
12:14Navas ekki til Forest?
Fréttir berast af því að Nottingham Forest gangi illa að tryggja sér markvörðinn Keylor Navas frá Paris St-Germain. Forest vill aðeins borga þriðjung af launum hins 36 ára gamla Navas. PSG vill ekki borga meirihlutann af launum hans meðan hann er á láni.
12:12Skelfilegar fréttir fyrir Man Utd
„Þetta eru virkilega slæmar fréttir fyrir Manchester United (meiðsli Christian Eriksen). Hann hefur spilað virkilega vel á þessu tímabili og ein af ástæðunum fyrir því að liðið hefur bætt sig svona mikið. Að missa hann í svona langan tíma er gríðarlegt áfall fyrir United," segir Simon Stone, fréttamaður BBC.
12:08Meiðslafréttir
Christian Eriksen, miðjumaður Manchester United, verður lengi frá

Ibrahima Konate, varnarmaður Liverpool, verður frá í tvær til þrjár vikur
12:03Guendouzi fer ekki til Aston Villa... ekki í þessum glugga allavega
11:55Hástökkvari vikunnar

11:53Enzo spilar ekki í kvöld
Enzo Fernandez mun ekki spila fyrir Benfica gegn Arauca í kvöld. Viðræður Chelsea og Benfica halda áfram en samkomulag er ekki í höfn. Ef af kaupunum verður er ljóst að Enzo verður dýrasti leikmaður í sögu enska boltans.
11:52Hraðahindrun í tilraun PSG til að fá Ziyech
Daily Mail segir að vinna Paris St-Germain við að fá Hakim Ziyech frá Chelsea hafi lent í hraðahindrun. Marokkóski vængmaðurinn vill fara til PSG en nú er einhver vafi á því hvort af skiptunum verði.

Fylgjumst með framvindu mála...

11:49
Hamed Traore er í þessum skrifuðu orðum í læknisskoðun hjá Bournemouth. Þessi 22 ára gamli Fílabeinsstrendingur er að koma frá Sassuolo á Ítalíu. Bournemouth borgar um 20 milljónir punda fyrir miðjumanninn.
11:43
Hasan Salihamidzic, stjórnandi hjá Bayern, hafði þetta að segja við heimasíðu Bayern:

„Við erum virkilega ánægð með að Joao Cancelo muni nú spila fyrir Bayern. Hann kemur á láni en við erum með möguleika á að kaupa hann alfarið næsta sumar. Við höfum horft til Cancelo í nokkurn tíma og hrífums af hans hæfileikum. Hann passar vel inn í leikstíl okkar með sínum sóknarleik og dínamík. Hans karakter og reynsla passa einnig vel inn," segir Salihamidzic.
11:39Gefum Joao Cancelo sjálfum orðið:


"Bayern er frábært félag, eitt stærsta félag heims. Það er mér mikil hvatning að spila með þessum mögnuðu leikmönnum í liði. Ég veit fyrir hvað félagið stendur, það lifir fyrir titla og vill vinna á hverju ári. Árangur drífur mig einnig áfram og ég mun gera mitt besta fyrir Bayern."
11:33Í treyju númer 22
11:29Cancelo til Bayern (Staðfest)
Fer á láni frá Manchester City út tímabilið. Bayern er svo með 70 milljón evra ákvæði um kaup. Fjöllum nánar um þessi skipti rétt á eftir...
11:28Skilur ekki þá stuðningsmenn Arsenal sem eru ekki hrifnir af komu Jorginho


Henry Winter á Times, einn virtasti íþróttafréttamaður Breta, segist ekki skilja þá stuðningsmenn Arsenal sem hafa verið mótfallnir því að Jorginho yrði keyptur.

Lestu nánar hérna
11:25Samanburður á Jorginho og Caicedo
11:12Dýrustu leikmenn janúargluggans
Stærstu kaupin í ensku úrvalsdeildinni í þessum glugga (mynd frá Sky Sports)

11:08
Charlie McNeill (19), framherji Manchester United, er kominn á lánssamningi til Newport County í D-deildinni.
11:07Hvað er að frétta af Enzo Fernandez og Chelsea?
Engar staðfestar fréttir. Ekkert hefur heyrst af því hvort Benfica taki nýjasta tilboði Chelsea en sagt er að Rui Costa, forseti Benfica, sé að reyna að finna leikmann í hans stað. Benfica er sagt horfa þar til Orkun Kokcu, miðjumanns Feyenoord.
11:04Jói Berg framlengir við Burnley
Burnley í góðri stöðu á toppi ensku Championship-deildarinnar og verður að öllum líkindum í úrvalsdeildinni á næsta tímabili.

11:01Lokonga lánaður til Palace?


Crystal Palace hefur sett sig í samband við Arsenal og hefur áhuga á að fá miðjumanninn Albert Sambi Lokonga lánaðan. Lokonga er 23 ára og hefur verið notaður sparlega af Mikel Arteta á tímabilinu. Hann hefur ekki komið við sögu í úrvalsdeildarleik síðan 1. október.
10:58
Nathaniel Chalobah, miðjumaður Fulham, færist nær skiptum yfir til West Brom.
10:53
Sunderland í Championship-deildinnni hefur fengið Joe Anderson (21 árs) frá Everton. Anderson er varnarmaður sem var í varaliði Everton. Hann hefur gert þriggja og hálfs árs samning við Sunderland.
10:51
Djed Spence, hægri bakvörður Tottenham, er búinn í læknisskoðun hjá franska félaginu Rennes og er við það að ganga í raðir þess á láni út tímabilið. Lestu nánar um málið
10:50Leeds í viðræðum um Zaniolo


Independent segir að Leeds United sé í viðræðum við Roma um Nicolo Zaniolo.

Þessi 23 ára sóknarmiðjumaður/vængmaður vill yfirgefa Roma og hafnaði Bournemouth á dögunum.

Leeds er sagt vilja fá Zaniolo lánaðan en Roma vill selja hann alfarið.

Zaniolo er úti í kuldanum hjá Jose Mourinho og harðkjarna stuðningsmönnum Roma, sem eru ekki ánægðir með hans frammistöðu og telja hann hafa komið illa fram við félagið.

Áhugi Leeds á Zaniolo gæti tengst því að Jack Harrison er orðaður við Leicester. Hinsvegar segir BBC að Leicester telji að kaup á Harry Souttar, varnarmanni Stoke og ástralska landsliðsins, verði síðustu kaup félagsins í glugganum.
10:45Hverja lánar Man Utd?
Líklegt er að Manchester United láni Brandon Williams frá sér í dag. Erik ten Hag vill halda Facundo Pellistri og Anthony Elanga sem hafa einnig verið orðaðir við lán frá félaginu.
10:43Marseille blandar sér í baráttuna um Vitinha
Southampton hefur undanfarna daga verið orðað Vitinha sem er framherji Braga. Nú hefur franska félagið Marseille blandað sér í baráttuna um Vitinha og íhugar nú framherjinn sín næstu skref. Sjá nánar.
10:42Bayern fær Cancelo lánaðan en er með 70 milljóna evra kaupákvæði
10:36Jonjo Shelvey er mættur í læknisskoðun hjá Nottingham Forest

10:35Olympiakos að fá Canos frá Brentford
Sergi Canos er í læknisskoðun hjá grísku meisturunum í Olympiakos. Canos er 25 ára Spánverji sem hefur verið í sex ár hjá Brentford. Hann hefur verið í litlu hlutverki á tímabilinu, einungis spilað 83 mínútur fyrir Brentford.
10:34Amrabat skrópaði á æfingu
Fiorentina er mjög ósátt við miðjumanninn Sofyan Amrabat sem neitaði að mæta á æfingu í dag. Verkföll eru vinsæl um allan heim. Amrabat vill komast burt en ítalska félagið ætlar ekki að selja hann. Amrabat var algjörlega frábær með Marokkó á HM.

10:33Óvæntir hlutir að gerast á Gluggadegi

10:29Cancelo segir bless við City - Á leið til Bæjaralands
10:27Felipe mættur í læknisskoðun hjá Forest
10:26
Yerson Mosquera miðvörður Wolves er á leið til FC Cincinnati í bandarísku MLS-deildinni á lánssamningi þar til í desember (þá lýkur tímabilinu í MLS). Varnarmaðurinn kom til Wolves 2021 en hefur ekkert fengið að spila á þessu tímabili.
10:25Newcastle vill fá Gallagher eða Berge
Newcastle er að láta Jonjo Shelvey fara frá sér, hann er að ganga í raðir Nottingham Forest. Newcastler því með augun á markaðnum í leit að nýjum miðjumanni í hópinn.

Tveir leikmenn eru hvað mest orðaðir við félagið í lok gluggans. Það eru þeir Conor Gallagher hjá Chelsea og Sander Berge hjá Sheffield United.

Nánar um málið hérna
10:24Doherty á leið til Atletico Madrid
Sæbjörn Steinke er mættur með mér á vaktina á Krókhálsinum og hann er með áhugaverða frétt:


Matt Doherty, bakvörður Tottenham, er að ganga í raðir Atletico Madrid á láni. Doherty hefur verið annar kostur í stöðu hægri vængbakvarðar á tímabilinu og þar sem Tottenham ætlar sér að fá Pedro Porro frá Sporting verður Doherty líklega þriðji kostur.

Því var talið betra fyrir hann að halda annað þar sem meiri líkur væri á mínútum á vellinum.

Ekkert kaupákvæði fylgir lánssamningnum. Doherty er 31 árs Íri sem kom frá Wolves til Tottenham sumarið 2020.

Tottenham mun greiða Sporting um 39-42 milljónir punda fyrir Porro sem er mættur til London og í leið í læknisskoðun. Ekki er þó búið að ganga frá öllum lausum endum varðandi skipti hans til Tottenham en kaupin ættu þó að ganga í gegn fyrir lok gluggans. Porro kæmi á láni fyrsta hálfa árið en Tottenham verður svo að kaupa hann í sumar.

Sporting er að fá Hector Bellerín frá Barcelona til að fylla í skarð Porro.
10:22PSG í viðræðum við Chelsea um Ziyech
Frakklandsmeistarar Paris Saint-Germain eru í viðræðum við Chelsea um að fá Hakim Ziyech til sín, annað hvort alfarið eða á lánssamningi.

Ziyech hefur aðeins byrjað fjóra úrvalsdeildarleiki en lék vel með Marokkó á HM og er áfram eftirsóttur af félögum í Evrópu.
10:07Bernardo Silva fer ekkert í dag
Sky Sports segir það alveg ljóst að Bernardo Silva fari ekki frá Manchester City í dag. Einhverjar sögusagnir hafa verið í gangi um að Bernardo gæti fylgt Joao Cancelo frá City í dag en Sky segir það ekki gerast.

Portúgalski landsliðsmaðurinn verður áfram hjá City þegar glugganum verður skellt í lás klukkan 23:00.

Bernardo hefur lengi verið orðaður við Barcelona og mikið talað um að leikmaðurinn eigi sér þá ósk að fara til félagsins.
10:03Bellerín er að fara til Sporting Lissabon frá Barcelona


Allt klappað og klárt, bara beðið eftir (Staðfest)
10:01Harrison Ashby til Newcastle (Staðfest)
Newcastle United hefur fengið varnarmanninn unga Harrison Ashby frá West Ham. Hann er 21 árs skoskur hægri bakvörður, samningur hans við West Ham var að renna út í sumar og hann hafði tjáð félaginu að hann ætlaði ekki að gera nýjan samning.

Ashby hefur ekki spilað með West Ham í úrvalsdeildinni en á tvo aðalliðsleiki með liðinu í Sambandsdeildinni.


09:57Here we go!!! Jorginho til Arsenal
Arsenal er búið að ná samkomulagi við Chelsea um 12 milljón punda kaupverð á ítalska miðjumanninum Jorginho. Samningur til 2024 með möguleika á framlengingu um eitt ár.


09:55Liverpool safnar orku fyrir sumargluggann
Liverpool mun ekki bæta í leikmannahóp sinn áður en glugganum verður lokað klukkan 23:00 í kvöld.

Daily Mail segir að Liverpool ætli að setja alla sína orku í að landa enska landsliðsmiðjumanninum Jude Bellingham frá Borussia Dortmund í sumar.
09:51
Birmingham City og Luton hafa blandað sér í baráttu við Stoke um miðvörðinn Steve Cook hjá Nottingham Forest.
09:50Souttar á leið til Leicester


Leicester hefur náð samkomulagi um kaup á varnarmanninum Harry Souttar frá Stoke City. Souttar var geggjaður í vörn Ástralíu á HM. Hann er á leið í læknisskoðun en Leicester mun kaupa hann á 15 milljónir punda.
09:28Arsenal færist nær samkomulagi um Jorginho
David Ornstein hjá The Athletic segir að topplið Arsenal sé að nálgast samkomulag við Chelsea um ítalska miðjumanninn Jorginho.

Hann segir að eins og staðan sé núna sé líklegast að hinn 31 árs gamli Jorginho fari til Arsenal í dag.

Arsenal virðist hafa sætt sig við að Brighton muni ekki selja ekvadorska miðjumanninn Moises Caicedo í dag og snúið sér að Jorginho til að styrkja lið sitt.
09:22Meira um skipti Marquinhos til Norwich (á láni frá Arsenal)


Hinn nítján ára gamli sóknarleikmaður Marquinhos hefur gengið í raðir Norwich í Championship-deildinni á lánssamningi frá Arsenal út tímabilið.

Hann hefur spilað sex aðalliðsleiki fyrir Arsenal á þessu tímabili.

Marquinhos kom til Arsenal frá Sao Paulo síðasta sumar.

Norwich ætlar sér upp úr Championship deildinni. Átján umferðir eru eftir af deildinni og eru fimmtán stig upp í Sheffield United í öðru sætinu. Norwich er sem stendur í sjötta sæti deildarinnar, í síðasta umspilssætinu.

„Ég er gríðarlega ánægður með að vera kominn hingað til Norwich og er spenntur fyrir því að spila minn fyrsta leik. Ég hef lært mikið í aðlögun minni á Englandi, þetta er allt öðruvísi en Brasilía. Það er miklu meiri ákefð í fótboltanum hér en aðlögunin gengur vel og ég vonast til að hjálpa Norwich," segir Marquinhos.
09:13Sagði nei takk við Everton


Everton gerði tilboð í Conor Gallagher, miðjumann Chelsea, í gær. Talað um 45 milljónir punda! Gallagher hefur hinsvegar engan áhuga á að fara til Everton. Takk, en nei takk.
09:04Arsenal lánar Marquinhos til Norwich í Championship-deildinni (Staðfest)
09:02Monteiro til Leeds (Staðfest)
Hinn átján ára gamli miðvörður Diogo Monteiro hefur gengið í raðir Leeds United frá Servette í Sviss. Monteiro lék sinn fyrsta deildarleik fyrir Servette þegar hann var sextán ára og varð þriðji yngsti leikmaðurinn til að spila í svissnesku úrvalsdeildinni.

Hann hefur alls spilað ellefu aðalliðsleiki fyrir Sevette sem er í þriðja sæti deildarinnar í Sviss. Þá hefur hann leikið yfir 30 leiki fyrir yngri landslið Portúgals. Monteiro varð nýlega átján ára og hefur skrifað undir þriggja og hálfs árs samning á Elland Road. Hann mun fyrst til að byrja með fara inn í U21 lið Leeds.

08:59Jorginho orðaður við Arsenal


Slúðrið segir að Arsenal sýni ítalska miðjumanninum Jorginho (31) áhuga en samningur hans við Chelsea rennur út í sumar. Sögusagnir eru um að Arsenal hafi snúið sér að Jorginho þegar ljóst var að Caicedo væri ekki að fara að yfirgefa Brighton í dag.
08:50Mun City reyna að fá leikmann?
Það eru aðeins 19 leikmenn í aðalliðshóp City eftir að Cancelo fer. Þar á meðal er hinn 18 ára gamli Rico Lewis sem hefur fengið mikið að spila eftir að árið 2023 gekk í garð. Einnig eru leikmenn á borð við Cole Palmer (20) og Sergio Gomez (22) sem hafa samanlagt spilað 216 mínútur í ensku úrvalsdeildinni á tímabilinu.

City er að keppa í úrvalsdeildinni, Meistaradeildinni og FA-bikarnum. Þyrfti Pep Guardiola að bæta við í dag?
08:42Dyche vill versla í IKEA
Sean Dyche var staðfestur í gær sem nýr stjóri Everton. Hann vonast til að geta styrkt leikmannahóp sinn á Gluggadeginum og Everton er eitt af mörgum félögum sem hafa áhuga á að fá Anthony Elanga (20), sænskan vængmann Manchester United, lánaðan.

Annar sænskur leikmaður, Viktor Gyökeres (24) sóknarmaður Coventry, er orðaður við Everton.
08:38Leicester að fá Okopu
Leicester City er nálægt því að landa samningi við Nathan Opoku (21), sóknarmann Syracuse háskóla í Bandaríkjunum. Hann hafnaði möguleika á því að fara í MLS draftið til að ganga í raðir Leicester.

Búist er við því að hann skrifi undir á næstu klukkutímum og verði lánaður út tímabilið til OH Leuven í Belgíu, systurfélags Leicester.
08:34Marquinhos fer til Norwich á láni
Marquinhos, sóknarmaður Arsenal, er á leið til Norwich á láni út tímabilið. Ekki verður kaupákvæði í lánssamningum. Marquinhos er nítján ára og kom til Arsenal frá Sao Paulo síðasta sumar.
08:32Bournemouth að fá úkraínskan miðvörð
Bournemouth hefur komist að samkomulagi við Dinamo Kiev um úkraínska miðvörðinn Ilya Zabarnyi (20).

08:30Caicedo er ekki til sölu
Meira af Caicedo. Afstaða Brighton hefur ekki breyst, miðjumaðurinn Moises Caicedo er ekki til sölu í dag. Tveimur tilboðum frá Arsenal hefur verið hafnað í glugganum. (Sky Sports)
08:28Porro að lenda á Luton flugvelli
Tottenham hefur komist að samkomulagi við Sporting Lissabon um kaup á bakverðinum Pedro Porro (23). Porro lendir á Luton flugvelli á eftir og brunar beint í læknisskoðun hjá Tottenham. Það eru örfáar flækjur sem á eftir að leysa en Tottenham býst við að kaupin verði komin í höfn fyrir gluggalok.

08:26Felipe á leið í Skírisskóg
Nottingham Forest hefur náð samkomulagi við Atletico Madrid um kaup á hinum reynslumikla brasilíska bakverði Felipe (33). Felipe er geymdur á bekknum hjá Atletico og verður samningslaus eftir fimm mánuði. Felipe flýgur til Englands í dag.

08:22Hér má sjá samantekt á ýmsu slúðri
08:18Klukkan tifar - Arsenal vill Caicedo
Tíminn er að renna út hjá Arsenal sem vill fá miðjumanninn Moises Caicedo frá Brighton. 70 milljóna punda tilboði var hafnað.

08:18Cancelo reifst við Pep og er á leið til Bayern
Joao Cancelo, portúgalski bakvörðurinn hjá Manchester City, er á leið til FC Bayern München. Mjög óvænt tíðindi. Pep Guardiola er víst kominn með nóg af hegðun og framkomu Cancelo.

Lestu nánar um málið hérna
08:15Brot af því áhugaverðasta í glugganum í heild:
Liverpool krækti í hollenska sóknarmanninn Cody Gakpo frá PSV, Arsenal keypti Leandro Trossard frá Brighton og Newcastle fékk hinn unga Anthony Gordon frá Everton, svo eitthvað sé nefnt.

Þá fékk Manchester United hollenska sóknarmanninn Wout Weghorst lánaðan frá Burnley og vakti það mikla athygli.

Svo eru það auðvitað Chelsea kaupin sem nefnd eru hér að neðan.
08:12Fer Enzo til Chelsea í dag?


Chelsea bauð 105,6 milljónir punda í argentínska landsliðsmanninn Enzo Fernandez (22) í gær. Er Benfica að fara að selja Enzo sem var valinn besti ungi leikmaðurinn á HM í Katar.

Chelsea hefur þegar farið hamförum í þessum glugga, félagið hefur fengið Benoit Badiashile (£35m), Andrey Santos (£18m), Joao Felix (lán fyrir £9.7m), Noni Madueke (£30,7m) og Mykhailo Mudryk (£62m, hækkar í £89m).
08:10Þegar búið að setja met í eyðslu
Ensku félögin eru þegar búin að eyða um 550 milljónum punda í leikmenn í þessum janúarglugga, það er stór bæting á fyrra meti sem var 430 milljónir punda 2018.
08:07Liverpool fær ekki mann í dag
Jæja förum að einbeita okkur að deginum í dag, og skoða hvað gæti mögulega gerst... og hvað er ekki að fara að gerast!

Times segir ljóst að Liverpool fær engan nýjan leikmann í dag. Gengi Liverpool verið ansi erfitt á þessu timabilið en Jurgen Klopp fær ekki nýjan leikmann á Gluggadeginum.

08:03Vina til Bournemouth


Úrúgvæski landsliðsbakvörðurinn Matias Vina er orðinn leikmaður Bournemouth á sex mánaða lánssamningi frá AS Roma.
08:02Tottenham lánaði Gil til Sevilla
Nánar um það hérna
08:01Sænskur táningur til Brighton


Brighton staðfest í gær kaup á sænska landsliðsmanninum Yasi Ayari frá AIK í Svíþjóð. Ayari er nítján ára gamall og er keyptur á um 3,5 milljónir punda. Hann var sautján ára gamall þegar hann lék sinn fyrsta leik fyrir AIK og á síðasta tímabili skoraði hann fjögur mörk í 24 deildarleikjum.

Ayari er lýst sem fjölhæfum og tæknilega góðum miðjumanni sem líður vel með boltann.
07:59Úlfarnir klófestu Gomes í gær

Joao Gomes er genginn í raðir Wolves frá brasilíska félaginu Flamengo. Brassinn skrifar undir fimm og hálfs árs samning við Úlfana.

Wolves greiðir um 17 milljónir punda fyrir miðjumanninn. Hann er 21 árs og er fimmtii leikmaðurinn sem Wolves fær í glugganum.
07:57Hvaða skipti urðu í enska boltanum í gær, mánudag?

Leeds United staðfesti félagsskipti Weston McKennie á lánssamningi frá Juventus sem gildir út tímabilið. Leeds hefur svo forkaupsrétt á honum.

McKennie er 24 ára miðjumaður með 96 leiki að baki á tveimur og hálfu ári hjá Juve. Hann er gríðarlega fjölhæfur og getur leikið allsstaðar á miðjunni. Hann er lykilmaður í landsliði Bandaríkjanna og hefur áður spilað fyrir Schalke í þýska boltanum.

Leeds er talið greiða eina milljón punda til að fá McKennie lánaðan og getur félagið fest kaup á leikmanninum fyrir 29 milljónir til viðbótar.
07:54Hvenær verður glugganum lokað?
Glugganum verður ekki lokað á sama tíma í öllum löndum:

England: 23:00
Þýskaland: 17:00
Ítalía: 19:00
Spánn: 23:00
Frakkland: 23:59
07:50Góðan og gleðilegan daginn!
Velkomin með okkur á Gluggadagvaktina. Félagaskiptaglugganum verður lokað klukkan 23:00 í kvöld! Ég ræsi vaktina út hérna frá heimili mínu í efri byggðum þar sem bíllinn minn er pikkfastur fyrir utan. En við látum það ekki skemma stemninguna!

Slapp
Sjáðu markið: Andri Lucas hóf sóknina og kláraði hana
De Zerbi ósáttur með Tel
Moyes: Þurfum að þrauka gegnum næstu 14 eða 15 leiki
Le Bris: Raya var einn af bestu mönnum vallarins
Sjáðu atvikið: Klúður tímabilsins á Englandi
Töpuðu naumlega gegn Portúgal - Spila við Dani á morgunKvennaboltinn
Sjáðu stórfurðulega hornspyrnutaktík FrakkaKvennaboltinn
Messi skoraði í toppslagnum - Surridge bjargaði stigi
Evrópa í dag - Hákon, Orri og Cole eiga heimaleiki
Ítalía í dag - Erfitt fyrir Napoli og Juve
England í dag - Manchester slagurinn á Old TraffordSubway
Ísland í dag - Fallbarátta og umspil
4. deild: Hamar tapaði og Árborg vann
Aðsóknin sú fjórða besta í sögunniMjólkurbikarinn
32 ár síðan Forest vann á Villa Park
Mest lesið
Richarlison enn með nokkra kosti í stöðunni - Liverpool vill fá Olise
1
Dómarinn í gæsaveiðum í miðjum leik á Dalvík
2
„Það er verið að líkja mér við morðingja“
3
Í fyrsta sinn í fimm ár hjá Liverpool
4
Einkunnir dagsins: Raya og Branthwaite bestirEinkunnir
5. deild: Hamrarnir meistarar
Arteta um vítaspyrnudóminn: Hann notaði júdóbragð
Arteta létt: Óásættanlegur vítaspyrnudómur
De Zerbi: Byrjuðum tímabilið alltof seint
Sjónvarp & Hlaðvarp
Katie Cousins: Hef alltaf viljað hjálpað liðinu að vinna eitthvað í fyrsta skipti
Álfhildur Rósa: Hugsuðum ekki í sekúndu að við værum að fara tapa
Gylfi Tryggva: Besta vika lífs míns og úrslitin í dag breyta því ekki
Natasha ósammála vítadómnum: Mér fannst það fullmikið
Jóhann Kristinn eftir sigurinn: Vona að þær verði eins og beljurnar á vorin
Alonso: Vil frekar sigra en að skemmta áhorfendum
Andrea Rut skoraði í góðum sigriKvennaboltinn
Spánn: Mbappé með tvö mörk og stoðsendingu
England: Meistarasigur í Sunderland
Ítalía: Atalanta tapaði óvænt á heimavelliÍtalski boltinn
Glasner stoltur: Markið hans Delap kom ekki á óvart
Martinelli og Watkins með sýningu - Ronaldo slakur
Emery: Augljóst rautt spjald
3. deild: Víðir og KH upp um deild
Katie Cousins: Hef alltaf viljað hjálpað liðinu að vinna eitthvað í fyrsta skiptiMjólkurbikarinn
Fotbolti.net

© Copyright 2002-2026 Fotbolti.net / Fotbolti Ehf. All rights reserved.