Ísak Bergmann Jóhannesson virðist vera á leið til 1. FC Köln en Köln er að kaupa leikmanninn frá Fortuna Düsseldorf. Köln vann þýsku B-deildina í vetur en Düsseldorf endaði í sjötta sæti.
Það er Bild sem segir frá og þar segir að Köln sé að virkja 5,5 milljóna evra riftunarákvæði í samningi Ísaks við Düsseldorf. Þar er sagt að Ísak fari í læknisskoðun hjá nýju félagi og mestar líkur séu á því að Köln verði niðurstaðan. 5,5 milljónir evra eru rétt tæplega 800 milljónir íslenskra króna.
Það er Bild sem segir frá og þar segir að Köln sé að virkja 5,5 milljóna evra riftunarákvæði í samningi Ísaks við Düsseldorf. Þar er sagt að Ísak fari í læknisskoðun hjá nýju félagi og mestar líkur séu á því að Köln verði niðurstaðan. 5,5 milljónir evra eru rétt tæplega 800 milljónir íslenskra króna.
Þetta eru mjög áhugaverð því það er mikill rígur á milli Köln og Düsseldorf.
Düsseldorf mistókst að komast upp um deild bæði tímabilin sem Ísak hefur verið á mála hjá félaginu. Hann kom fyrst á láni frá danska félaginu FCK og síðasta sumar keypti svo þýska félagið hann.
Ísak átti mjög gott tímabil með Düsseldorf, hljóp manna mest í þýsku B-deildinni, skoraði ellefu mörk og lagði upp sex í deildinni.
Skagamaðurinn varð 22 ára í mars og er í landsliðshópnum sem kemur saman eftir helgi.
Athugasemdir
