Logi: Nauðsynlegt fyrir okkur að ná þremur stigum

Logi Ólafsson, þjálfari Víkings var mjög ánægður með að landa þremur stigum í Grindavík í kvöld.

<i>„Jú þetta var þýðingarmikið fyrir okkur. Kærkomið og mikill léttir að ná þremur stigum hérna. Það var mjög nauðsynlegt fyrir okkur að ná þremur stigum í dag,\"</i> sagði Logi.

Logi var nokkuð ánægður með spilamennsku sinna manna í kvöld að undanskildum upphafsmínútum leiksins.

<i>„Ef tekið er í burtu upphafsmínúturnar þar sem við ætluðum að vera virkilega grimmir og koma okkur inn í leikinn með pressu framarlega á vellinum. Því bara náðum við ekki og vorum heppnir að fá ekki á okkur mark í upphafi leiks.\"</i>

Félagaskiptaglugginn lokar í kvöld og er Logi ánægður með leikmannahóp sinn.

<i>„Við gerðum bara það sem við gátum gert. Það er eiginlega ekkert meira um það að segja. Við erum ánægðir með þennan hóp eins og hann er.\"</i>

Það kom mörgum á óvart að Ragnar Bragi var lánaður frá Víkingi til uppeldisfélags síns, Fylki en Ragnar var búinn að vera að spila mikið fyrir Víking í sumar.

<i>„Það var hans vilji og hans frumkvæði og við vildum ekkert standa í vegi fyrir því að honum liði betur með því að vera þar.\"</i>