Byrjunarlið KA gegn Silkeborg: Fyrsti byrjunarliðsleikur Birnis

KA tekur á móti danska liðinu Silkeborg á Greifavellinum klukkan 18:00. Um er að ræða seinni leik liðanna í 2. umferð forkeppninnar í Sambandsdeildinni. Fyrri leikurinn endaði með 1-1 jafntefli í Silkeborg.

Það er uppselt á Greifavölinn í dag, 495 áhorfendur á vellinum, þar af 40 stuðningsmenn danska liðsins.

Hallgrímur Jónasson, þjálfari KA, gerir tvær breytingar á sínu liði frá fyrri leiknum. Jóan Símun Edmundsson má spila eftir leikbann, hann kemur inn fyrir Ásgeir Sigurgeirsson, og Birnir Snær Ingason byrjar í stað Ingimars Stöle. Fjórar breytingar eru svo á liði Silkeborg frá fyrri leiknum.