Ætla að fæla Man Utd frá með nýjum samningi

Rauðu djöflarnir eru sagðir vera í leit að nýjum vinstri bakverði og hafa spurst fyrir um Maatsen, sem er mikilvægur hlekkur í liðinu hjá Unai Emery.

Maatsen er með fjögur ár eftir af samningi við Aston Villa og er félagið reiðubúið að gefa honum launahækkun til að halda honum innan sinna raða.

Villa keypti Maatsen fyrir tæplega 40 milljónir punda sumarið 2024 og hefur hann spilað yfir 90 leiki fyrir félagið síðan.

Man Utd er einnig að skoða Lewis Hall hjá Newcastle United en eins og staðan er í dag er Luke Shaw eini hreinræktaði vinstri bakvörður liðsins. Patrick Dorgu, Diogo Dalot, Noussair Mazraoui og Carlos Baleba geta einnig leyst stöðuna af hólmi en félagið vill fá inn leikmann sem getur barist við Shaw um byrjunarliðssætið.

Eins og staðan er í dag er Maatsen í baráttu við Matteo Ruggeri um vinstri bakvarðarstöðuna hjá Aston Villa.