Forseti Rayo neitar að svara Fulham

Fulham er í leit að nýjum hægri bakverði og lagði fram 25 milljón evra tilboð í Ratiu, sem samsvarar riftunarákvæðinu í samningi hans við Rayo.

Forseti Rayo neitar að svara, sem þýðir að Fulham verður að greiða 25 milljónir evra beint til La Liga til að festa kaup á bakverðinum. Þetta verður að gerast í einni greiðslu, en Fulham vill greiðsludreifa félagaskiptunum eins og tíðkast í fótboltaheiminum. Rayo harðneitar að selja leikmanninn án þess að fá allar 25 milljónirnar inn á sama tíma.

Ratiu er 28 ára landsliðsmaður Rúmeníu sem átti frábært tímabil í spænska boltanum á síðustu leiktíð og reyndist einn af allra bestu bakvörðum efstu deildar. Þá stóð hann sig frábærlega í Sambandsdeildinni og hjálpaði Rayo alla leið í úrslitaleikinn.

Ratiu vill ólmur skipta í úrvalsdeildina og er mjög ósáttur með nálgun félagsins. Hann er ekki í byrjunarliðinu sem mætir Barcelona í spænsku deildinni í kvöld, en situr þó á bekknum.