Frábærir inni en ömurlegir undir berum himni

Ef aðeins er horft til heimaleikja þá er HK efst í töflunni, með betri árangur en Afturelding sem tryggði sér sigur í deildinni á laugardagainn.

Þegar HK spilar á útivöllum syrtir hinsvegar í álinn. Liðið hefur aðeins unnið tvo útileiki og bara Völsungur og Ægir, sem sitja í fallsætunum, sem hefur vegnað verr á útivöllum.

HK hefur tryggt sér í umspil Lengjudeildarinnar og á möguleika á því að komast á Laugardalsvöllinn annað árið í röð. HK-ingar væru vafalítið til í að úrslitaleikur umspilsins yrði leikinn innanhúss.


HK er með öflugasta heimavöll deildarinnar.


Á útivöllum er HK eitt lélegasta lið deildarinnar.