Glódís og Daníela Dögg í sigurliðum

Glódís Perla Viggósdóttir er fyrirliði hjá þýska risaveldinu FC Bayern og var á sínum stað í byrjunarliðinu í 2-0 sigri gegn Mainz í dag.

Þýskalandsmeistarar Bayern eru því með sex stig eftir tvær fyrstu umferðirnar á nýju tímabili.

Daníel Dögg Guðnadóttir kom þá inn af bekknum er Álasund lagði Hönefoss að velli í efstu deild í Noregi.

Álasund rétt marði eins marks sigur á útivelli og er í öðru sæti deildarinnar, með 34 stig eftir 14 umferðir. Daníela og stöllur eru fjórum stigum á eftir toppliði Brann.

Bayern 2 - 0 Mainz

Hönefoss 0 - 1 Aalesund