Franska stórliðið PSG reyndi að fá Daniel Sturridge, sóknarmann Liverpool, á láni í janúar.
Það er Goal.com sem fullyrðir þetta en þar segir að PSG hafi viljað fá Sturridge til að aðstoða Edinson Cavani í sóknarlínu liðsins.
Hjá Liverpool fengust hinsvegar þau svör að félagið vildi ekki missa leikmenn í janúarglugganum og því varð ekkert af félagsskiptunum.
Sturridge hefur misst af mörgum leikjum Liverpool vegna meiðsla í vetur og nýverið var hann sendur veikur heim úr æfingaferð.
Athugasemdir