Ensku slúðurblöðin eru alltaf með áhugaverðar kjaftasögur. Hér eru helstu sögurnar í dag.
David De Gea (27) markvörður Manchester United er að ganga frá nýjum fimm ára samningi sem færir honum 350 þúsund pund í laun á viku. (Sun)
Tottenham vonast til að Mauricio Pochettino og sex af fastamönnum liðsins muni skrifa undir nýja samninga á næstu mánuðum. (Telegraph)
PSG er tilbúið að greiða Toby Alderweireld (29) varnarmanni Tottenham tíu milljónir punda í árslaun ef hann gerir fimm ára samning við félagið. Alderweireld er líklega á förum frá Tottenham eftir að samningaviðræður hans við félagið sigldu í strand. (Mail)
Pep Guardiola, stjóri Manchester City, ætlar að hvíla lykilmenn gegn Manchester United á laugardag þrátt fyrir að sigur þar geti tryggt enska meistaratitilinn. Guardiola er með hugann við leikina gegn Liverpool í 8-liða úrslitum Meistaradeildarinnar. (Express)
Derek McInnes, Craig Shakespeare, Michael Appleton, Dean Smith og Graham Potter koma til greina sem næsti stjóri WBA eftir að Alan Pardew var rekinn í gær. (Times)
Roman Abramovich, eigandi Chelsea, er ósáttur við að liðið virðist ætla að missa af Meistaradeildarsæti. Hann er hins vegar ekki búinn að ákveða hvort Antonio Conte verði rekinn en hann á eitt ár eftir af samningi sínum. (Express)
Chelsea gæti misst níu leikmenn úr aðalliðinu í sumar. (Telegraph)
Liverpool er að fylgjast með Ferran Torres (18) kantmanni Valencia en Chelsea hefur einnig áhuga. (Mail)
Everton þarf að berjast við þrjú spænsk félög til að krækja í Wilfried Kanon (24) varnarmann ADO Den Haag í Hollandi. (Sun)
Jupp Heynckes, þjálfari Bayern Munchen, segir að Real Madrid eigi ekki möguleika á að kaupa Robert Lewandowski (29). (Marca)
Massimiliano Allegri, þjálfari Juventus, segir að næsta starf sitt verði utan Ítaliu. (Telegraph)
Umboðsmaður Mario Balotelli (27) er í viðræðum við ensk félög en samningur hans hjá Nice í Frakklandi rennur út í sumar. (Mirror)
Emre Can (24) miðjumaður Liverpool er tæpur fyrir leikinn gegn Manchester City í 8-liða úrslitum Meistaradeildarinnar á miðvikudag. (Times)
Athugasemdir