Hingað til hafa einungis karlar mátt mæta á fótboltaleiki.
Frá og með morgundeginum mega konur fara á fótboltaleiki í Sádi-Arabíu án þess að eiga á hættu að vera handteknar. Sádi-Arabía er á vondum stað þegar kemur að réttindum kvenna en hingað til hafa aðeins karlmenn mátt mæta á völlinn.
Ríkisstjórnin hefur ákveðið að aflétta banni á kvenmenn á fótboltavöllum á þremur leikvöngum til að byrja með.
Ríkisstjórnin hefur ákveðið að aflétta banni á kvenmenn á fótboltavöllum á þremur leikvöngum til að byrja með.
Í lok árs 2014 mótmælti kona ein banninu og mætti á leik í Sádi-Arabíu en var handtekin.
Á lista yfir réttindi kvenna er Sádi-Arabía í 141. sæti af 144 þjóðum.
„Það getur verið erfitt að þurfa að horfa á uppáhalds liðið þitt í sjónvarpinu, sérstaklega þegar það er stórleikur eða úrslitaleikur. En nú er ósk mín að rætast," segir hin 22 ára Ghadah Grrah sem heldur með Al-Hilal.
Mikill fótboltaáhugi er í Sádi-Arabíu og í sumar mun karlalandslið þjóðarinnar leika á sínu fimmta heimsmeistaramóti.
Athugasemdir
