Jóhann Berg Guðmundsson er spenntur fyrir þeirri tilhugsun að mæta Englandi á HM í Rússlandi næsta sumar.
Jóhann Berg var að venju í byrjunarliði Íslands sem vann England 2-1 í 16-liða úrslitum Evrópumótsins í fyrra.
Jóhann Berg var að venju í byrjunarliði Íslands sem vann England 2-1 í 16-liða úrslitum Evrópumótsins í fyrra.
Ísland verður með á HM á næsta ári og Jói Berg vonast til að mæta Englendingum aftur þar.
„Vonandi mætum við þeim í riðlakeppninni," sagði Jóhann Berg við Sky Sports. „Við áttum frábæran leik gegn þeim síðast og ég tel okkur geta unnið þá aftur."
„Pressan er miklu meiri á Englendinga, ég skil það. Þeir eru með dýrari leikmenn og stærri nöfn í sínu liði. Þeir hafa þó ekki verið að spila eins vel og þeir ættu að gera í langan tíma."
„Fjölmiðlar og fólki í landinu vill fá meira frá þeim. Þú lest það í fjölmiðlum, þeir tala alltaf um tapið gegn Íslandi og tala um það sem niðurlægingu. Sem betur fer er engin pressa á okkur."
Athugasemdir