Bjarni Ólafur fagnar marki sínu í kvöld.
Bjarni Ólafur Eiríksson hefur átt frábært tímabil með Valsmönnum og var meðal markaskorara þegar Íslandsmeistaratitillinn var innsiglaður í kvöld.
Lestu um leikinn: Valur 4 - 1 Fjölnir
„Þetta er ótrúlega sætt. Frábært hreint út sagt," sagði Bjarni eftir leik og viðurkenndi að það kryddaði þetta að ná að skora sjálfur.
„Það er aldrei leiðinlegt að skora. Ég skora nú ekki oft og það hjálpaði að fara með 2-0 forystu í hálfleikinn. Þetta var mikilvægt mark."
„Þessi titill er mér ótrúlega kær. Hann er sérstakari en 2007. Þá kom ég á miðju tímabili. Það var stórkostlegt að vinna þá en fílingurinn er annar núna. Liðið sem við erum með í dag og hvernig við erum að spila."
„Við erum allir í þessu saman og ótrúlega margir litlir hlutir sem gera það að verkum að við vinnum þetta mót."
Bjarni er 35 ára en hann verður áfram með Val næsta sumar.
„Ég á eitt ár eftir. Ég klára það, svo sé ég til."
Athugasemdir
