Ungverjinn kom til Þórs fyrir ári síðan eftir að hafa leikið með KA frá árinu 2004. Sandor var einn af betri leikmönnum Þórs í sumar og einn af fáum ljósum punktum hjá liðinu þegar það féll niður í 1. deild.

,,Þó ég sé orðinn 38 ára þá hef ég ennþá áhuga á að spila í Pepsi-deildinni," sagði Sandor við Fótbolta.net í gær.

,,Ég hef kost á að segja upp samningi mínum við Þór til 31. október og ég bíð eftir að heyra í áhugasömum félögum. Ég er í fríi í Ungveralandi í augnablikinu en ég er með símann opin og er tilbúinn að ræða við félög í Pepsi-deildinni."