Tomasz Luba hefur verið ráðinn þjálfari meistaraflokks kvenna hjá Víkingi Ólafsvík.
Tomasz hefur leikið í vörn karlaliðs Víkings Ó. frá árinu 2010, þar af þrjú ár í Peps-deildinni.
Hann mun nú einbeita sér alfarið að þjálfun kvennaliðsins og leggja skóna á hilluna.
Luba skoraði alls fimm mörk í 162 deildar og bikarleikjum á ferli sínum með Víkingi. Hann spilaði 21 leik þegar Ólafsvíkingar féllu úr Pepsi-deildinni í sumar.
„Á sama tíma og við bjóðum Tomasz velkominn til starfa á nýjum vettvangi innan félagsins þökkum við Birni Sólmari Valgeirssyni fyrir gríðarlega vel unnin störf í þágu kvennaboltans í Ólafsvík undanfarin ár," segir í fréttatilkynningu frá Víkingi Ólafsvík.
Víkingur Ólafsvík endaði í 9. sæti í 1. deild kvenna í sumar og leikur því í 2. deild á komandi tímabili.
Athugasemdir