Átta leikir eru á dagskrá í ítalska boltanum í dag.

Dagurinn hefst á leik Empoli og Sassulo kl 11:30. Juventus sem að eru með 14 stiga forystu á toppi deildarinnar eiga svo leik á heimavelli við Genoa sem að eru í níunda sæti.

Sex leikir hefjast svo kl. 19:45. Roma sækja Cesena heim og vonast til þess að koma tímabili sínu aftur í gang. Þeim hefur gengið afleitlega í deildinni undanfarið og féllu einnig úr leik í Evrópudeildinni gegn Fiorentina í vikunni.

Takist Roma ekki að vinna geta Lazio komist upp fyrir nágranna sína með sigri gegn Emil Hallfreðssyni og félögum í Verona á heimavelli.