Byrjunarliðin eru klár í einum stærsta leik ársins, El Clasico.

Leikurinn er gífurlega mikilvægur, og þá sérstaklega fyrir Barcelona.

Real Madrid situr á toppi spænsku úrvalsdeildarinnar, og er þremur stigum á undan Barcelona, auk þess sem liðið á leik til góða.

Því þarf Barcelona nauðsynlega á sigri að halda í þessum leik, til þess að eiga enn einhverja von um að vinna spænska meistaratitilinn.

Fátt óvænt er í byrjunarliðum liðanna. Gareth Bale snýr aftur í byrjunarlið Real Madrid og byrjar BBC. Hjá Barcelona vantar N-ið í MSN þar sem Neymar er í leikbanni.