Samningur belgíska leikmannsins við Manchester United rennur út eftir tímabilið. Hann verður samningslaus eftir tímabilið og mun geta skrifað undir við nýtt félag frá og með 1. janúar.

Tyrknesku félögin Besiktas og Galatasaray og kínverskt félag hefur þegar gert þessum þrítuga leikmanni samning.

Samkvæmt belgíska dagblaðinu La Derniere Heure vill franska toppliðið einnig fá Fellaini.

PSG leitast eftir því að fá leikmenn á frjálsri sölu vegna Financial Fair Play reglnanna en félagið keypti Neymar og Kylian Mbappe á háar fjárhæðir síðasta sumar.

Félagið ku einnig vera að horfa til Lassana Diarra, fyrrum miðjumanns Arsenal og Portsmouth.

Fellaini hefur ekki spilað síðan 25. nóvember vegna hnémeiðsla en þegar hann var spurður af því hvort hann ætlaði að vera áfram á Old Trafford á næsta tímabili sagði hann:

„Í hreinskilni sagt veit ég það ekki. Þetta er mitt tíunda tímabil á Englandi. Fyrir utan það allra fyrsta hjá Manchester þá hef ég bara upplifað góða tíma hérna," sagði Fellaini.