FRÉTTIR21.11.2024, 16:00
Ágúst Orri Þorsteinsson er kominn aftur heim í Breiðablik en félagið kaupir hann frá ítalska félaginu Genoa. Ágúst Orri skrifar undir samning sem gildir út tímabilið 2028.
Ágúst Orri er nítján ára kantmaður sem seldur var til Genoa frá Breiðabliki fyrir rúmu ári síðan en hann snýr nú aftur heim í uppeldisfélagið.
Fótbolti.net fjallaði um það fyrir helgi að um Ágúst Orri yrði dýrasti leikmaður sem íslenskt félag hefur keypt. Samkvæmt nýrri upplýsingum er Aron Bjarnason sá dýrasti en kaupverðið á Ágústi getur hækkað og er ekki langt frá því sem Breiðablik greiddi fyrir Aron síðasta vetur.
FRÉTTIR21.11.2024, 09:00
<p>Markvörðurinn Guðmundur Rafn Ingason er genginn til liðs við Stjörnuna. Hann kemur frá Fylki en samningur hans við Árbæjarliðið rann út eftir tímabilið.</p>
FRÉTTIR21.11.2024, 08:00
<p>Eiður Orri Ragnarsson er genginn til liðs við Keflavík en hann kemur frá KFA.</p>
FRÉTTIR21.11.2024, 07:00
<p>Guðmundur Axel Hilmarsson er alfarið genginn til liðs við Hauka. Hann skrifaði undir samning sem gildir út sumarið 2026.</p>
FRÉTTIR20.11.2024, 11:30
Það eru fréttir frá ÍTalíu, Genoa í Seríu A hefur ráðið Patrick Vieira sem þjálfara liðsins. Vieira tekur við af Alberto Gilardino sem var látinn fara í gær.
Vieira er 48 ára Frakki sem stýrði Crystal Palace á árunum 2021-2023 og yfirgaf Strasbourg í sumar eftir að hafa komist að samkomulagi um starfslok.
FRÉTTIR20.11.2024, 09:43
KA tilkynnti í morgun að Bjarni Aðalsteinsson sé búinn að skrifa undir nýjan tveggja ára samning við félagið. Hann er nú samningsbundinn út tímabilið 2026.
Fyrri samningur hans rann út í lok október en Bjarni hefur verið í lykilhlutverki í liði KA undanfarin ár. Í sumar skoraði hann sex mörk, þrjú deildinni og þrjú í bikarnum.
FRÉTTIR19.11.2024, 13:00
Þróttur tilkynnti í dag að Þórdís Elva Ágústsdóttir væri búin að skrifa undir tveggja ára samning við félagið. Þórdís kemur í Þrótt frá Växjö, spilaði með liðinu í sænsku úrvalsdeildinni á liðnu tímabili.
Miðjumaðurinn var áður leikmaður Vals og varð bæði Íslands- og bikarmeistari með liðinu tímabilið 2023. Hún er uppalin hjá Haukum og hefur einnig leikið með FH, Fylki og Val á Íslandi.
Þórdís Elva kom við sögu í 24 af 26 leikjum Växjö á nýliðnu tímabili, byrjaði tólf leiki og skoraði tvö mörk. Växjö endaði í 8. sæti deildarinnar. Þórdís Elva var liðsfélagi Bryndísar Örnu Níelsdóttur hjá Växjö.
FRÉTTIR18.11.2024, 16:19
Sænska félagið Örebro féll úr sænsku úrvalsdeildinni á nýliðnu tímabili og verður í næstefstu deild á komandi tímabili.
Vegna fallsins var samningum við marga leikmenn rift, þar á meðal við báða Íslendingana sem hafa verið í röðum félagsins.
FRÉTTIR18.11.2024, 13:52
Stjarnan hefur sent frá sér fréttatilkynningu þar sem sagt er að Valur sé að kaupa Hrafnhildi Sölku Pálmadóttur.
<i>„Stjarnan og Valur hafa komist að samkomulagi um kaup á Hrafnhildi Sölku Pálmadóttur. Við þökkum Hrafnhildi fyrir sinn tíma í bláu treyjunni og óskum henni góðs gengis á nýjum stað!"</I> segir í tilkynningu Stjörnunnar.
FRÉTTIR18.11.2024, 13:48
Dalvík/Reynir tilkynnti rétt í þessu að félagið væri búið að finna nýjan þjálfara fyrir tímabilið 2025. Stjórn þurfti ekki að leita langt því Hörður Snævar Jónsson, sem var í stjórn félagsins á liðnu tímabili, er nýr þjálfari liðsins. Hann tekur við af Dragan Stojanovic.
Hörður er ritstjóri <i>433.is</I> og var á hliðarlínunni í lokaumferð Lengjudeildarinnar þegar Dragan tók út leikbann. Þetta er fyrsta þjálfarastarf Harðar sem fæddur er árið 1990.
Siguróli Kristjánsson, Moli, verður aðstoðarmaður Harðar en tekið er fram að hann verði í hlutverki tæknilegs ráðgjafa og muni sinna „ýmsum verkefnum fyrir félagið". Moli hefur áður starfað hjá Dalvík/Reyni í svipuðu hlutverki með góðum árangri. Í tilkynningu D/R er sagt að búast megi við að þjálfarateymið verði stækkað enn frekar þegar líður á veturinn.
D/R verður í 2. deild á næsta tímabili eftir að hafa fallið úr Lengjudeildinni í sumar.
FRÉTTIR17.11.2024, 11:49
HK tilkynnti rétt í þessu að Birkir Valur Jónsson væri búinn að yfirgefa herbúðir félagsins en samningur hans er runninn út.
Hægri bakvörðurinn er uppalinn í HK og er fjórði leikjahæsti leikmaður í sögu félagsins í efstu deild. Birkir hefur spilað 96 leiki í efstu deild, sex leikjum minna en Arnþór Ari Atlason.
FRÉTTIR15.11.2024, 20:00
Franski miðjumaðurinn Paul Pogba er búinn að staðfesta að hann hefur yfirgefið ítalska stórveldið Juventus eftir að hafa samið við félagið um starfslok.
FRÉTTIR15.11.2024, 19:00
Danski framherjinn Jannik Pohl hefur yfirgefið Fram eftir að samningur hans við félagið rann út.
FRÉTTIR15.11.2024, 17:00
Una Rós Unnarsdóttir hefur gengið til liðs við Fram frá uppeldisfélagi sínu, Grindavík. Hún gerir tveggja ára samning við Fram eða út tímabilið 2026.
Una er 22 ára kraftmikill og tæknilega öflugur miðjumaður sem hefur verið í lykilhlutverki hjá Grindavík undanfarin ár þar sem hún bar fyrirliðabandið.
FRÉTTIR15.11.2024, 13:06
HK tilkynnti í dag að Eiður Gauti Sæbjörnsson væri búinn að kveðja félagið. Framherjinn er uppalinn hjá félaginu og sneri aftur í félagið í vor þegar hann var sóttur úr venslafélaginu Ými.
Hann hefur skorað 114 mörk í 121 KSÍ leik á ferlinum, langlflest mörkin komu með Ými en hann skoraði þrjú mörk í 13 leikjum í Bestu deildinni í sumar.
HK vildi halda honum innan sinna raða en þessi 25 ára leikmaður verður áfram í Bestu deildinni. Hann er sterklega orðaður við KR og hefur einnig verið orðaður við Víking.
FRÉTTIR15.11.2024, 12:33
Samningur Damirs Muminovic við Breiðablik hefur verið rift, það má sjá á heimasíðu KSÍ.
Damir framlengdi samninginn sinn í ágúst og átti sá samningur að gilda út næsta tímabil. Sá samningur er nú úr gildi.
Damir er á leið til Asíu, til Brúnei þar sem hann mun spila í úrvalsdeildinni í Singapúr. Fjallað var um það í vikunni að Damir myndi skrifa undir samning við DPMM og sá samningur myndi gilda út tímabilið og möguleiki væri á framlengingu.
FRÉTTIR15.11.2024, 12:23
Fylkir tilkynnti rétt í þessu að Kristófer Sigurgeirsson hefði verið ráðinn aðstoðarþjálfari meistaraflokks karla. Hann aðstoðar þar Árna Frey Guðnason. Kristófer mun einnig annast fleiri verkefni m.a. á sviði afreksþjálfunar.
Kristófer lék með uppeldisfélaginu Breiðabliki, Fram og Fjölni á sínum ferli. Hann var aðalþjálfari Leiknis og Reynis og var síðast aðstoðarþjálfari kvennaliðs Víkings.
Fylkir verður í Lengjudeildinni á komandi tímabili eftir að hafa fallið úr Bestu deildinni í ár.
FRÉTTIR15.11.2024, 08:30
Luke Williams er farinn frá Víkingi Ólafsvík eftir að hafa verið algjör lykilmaður í sumar.
FRÉTTIR14.11.2024, 15:31
Fram greindi frá því í dag að Óliver Elís Hlynsson væri búinn að skrifa undir samning við félagið sem gildir til þriggja ára. Fótbolti.net fjallaði um að félagaskiptin væru yfirvofandi í gær.
Óliver er tvítugur Breiðhyltingur sem kemur frá uppeldisfélaginu ÍR.
FRÉTTIR14.11.2024, 14:30
Claudio Ranieri hefur tekið þjálfaraflautuna af hillunni og er tekinn við Roma á nýjan leik. Hann gerði samning við félagið sem gildir út tímabilið og eftir það mun hann sinna ráðgjafahlutverki hjá félaginu. Í tilkynningu Roma segir að hann muni koma að leitinni að næsta stjóra liðsins.
Þetta er í þriðja sinn sem hann tekur við stjórnartaumunum hjá Roma á löngum þjálfaraferli.
