Mættur í Fram.
Fram greindi frá því í dag að Óliver Elís Hlynsson væri búinn að skrifa undir samning við félagið sem gildir til þriggja ára. Fótbolti.net fjallaði um að félagaskiptin væru yfirvofandi í gær.
Óliver er tvítugur Breiðhyltingur sem kemur frá uppeldisfélaginu ÍR.
Óliver er tvítugur Breiðhyltingur sem kemur frá uppeldisfélaginu ÍR.
„Óliver sem er örvfættur hefur þrátt fyrir ungan aldur spilað stórt hlutverk í liði ÍR undanfarin ár. Hann hefur mest megnis spilað í stöðu vinstri bakvarðar en hefur einnig leikið sem miðvörður. Alls hefur Óliver Elís leikið 97 leiki og skorað í þeim 12 mörk. Við bindum miklar vonir við Óliver Elís og bjóðum hann hjartanlega velkominn í dal draumanna," segir í tilkynningu Fram.
Óliver er fjórði leikmaðurinn sem Fram hefur fengið í vetur. Fyrir höfðu þeir Viktor Freyr Sigurðsson og Róbert Hauksson komið frá Leikni og Sigurjón Rúnarsson komið frá Grindavík.
Fram endaði i 9. sæti Bestu deildarinnar í sumar.
Athugasemdir
