Eiður Orri til Keflavíkur (Staðfest)

Eiður Orri skoraði 15 mörk á síðasta tímabili, 13 mörk í 2. deild og tvö mörk í fjórum leikjum í Fótbolti.net bikarnum.

Þessi tvítugi leikmaður hafði skorað níu mörk á ferlinum fyrir síðasta tímabil en hann hóf meistaraflokksferil sinn árið 2019. Hann er Vopnfirðingur en þekkir til í Reykjanesbæ þar sem hann var á mála hjá Njarðvík en var lánaður í Hött/Huginn áður en hann gekk til liðs við KFA.

Hann er nú mættur í Lengjudeildina þar sem hann mun taka slaginn með Keflavík næsta sumar.