Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24437 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Vestri hefur tilkynnt að Ibrahima Balde hafi skrifað undir nýjan tveggja ára samning við félagið. Miðjumaðurinn kom til félagsins fyrir tímabilið 2023, lék 23 leiki í sumar og skoraði tvö mörk. Balde er 27 ára senegalskur miðjumaður sem kom frá EL Palo á Spáni. Hann mun spila með Vestra í Bestu deildinni á næsta tímabili.
Bristol City hefur ráðið Liam Manning sem nýjan stjóra félagsins. Manning er 38 ára og tekur við starfinu af Nigel Pearson sem var rekinn í síðasta mánuði. Bristol City hafði tapað fimm af sjö leikjum undir stjórn Pearson og var í fimmtánda sæti Championship þegar honum var sparkað en hefur nú náð að lyfta sér upp í það ellefta.
Stjarnan tilkynnti rétt í þessu að þjálfarinn Jökull Elísabetarson væri kominn með tvo menn inn í teymi sitt. Það eru þeir Björn Berg Bryde og Elías Hlynur Lárusson. Þór Sigurðsson verður ekki áfram styrktarþjálfari liðsins en Elite þjálfun mun sjá um hana á komandi tímabili. <i>„Þór Sigurðsson er fluttur til Spánar til þess að einbeita sér að Doktorsnámi sínu. Þór mun vera félaginu áfram innan handar er snýr að greiningum og fleira. Þór hefur gert rosalega öfluga hluti fyrir liðið og á mjög stóran þátt í því sem við höfum verið að gera og hvar liðið er statt í dag,"</I> segir í tilkynningu Stjörnunnar.
Í íslenska slúðurpakkanum sem birtur var hér á Fótbolta.net fyrir helgi var sagt: <i>„Sagan segir að Olgeir Sigurgeirsson verði ekki áfram aðstoðarþjálfari liðsins."</I> Fótbolti.net heyrði í Olgeiri í dag og hann staðfesti að hann yrði áfram hjá Fylki, hann væri búinn að skrifa undir nýjan samning við félagið. <i>„Ég verð áfram, veit ekki hvaða sögusagnir þetta eru sem eru búnar að vera. Ég er búinn að skrifa undir nýjan samning,"</I> sagði Olgeir.
Phil Neville hefur verið ráðinn þjálfari Portland Timbers í Bandaríkjunum og skrifar hann undir samning til ársins 2026. Þessi fyrrum leikmaður Manchester United, Everton og enska landsliðsins hefur verið án starfs síðan í júní þegar hann var látinn fara sem stjóri Inter Miami. Þar á undan stýrði Neville, sem er 46 ára, enska kvennalandsliðinu í þrjú ár.
Fram er búið að tryggja sér þjónustu Kyle Douglas McLagan sem snýr aftur til félagsins eftir tveggja ára fjarveru.
Margrét Brynja Kristinsdóttir, sem valin var efnilegasti leikmaður FH á liðnu tímabili, hefur skipt alfarið til félagsins frá uppeldisfélagini Breiðabliki. Miðjumaðurinn var á láni hjá FH frá Blikum í sumar og lék vel í hvítu og svörtu treyjunni.
Björn Daníel Sverrisson hefur skrifað undir nýjan eins árs samning við FH. Þetta kemur fram í tilkynningu frá félaginu í dag.
Marouane Fellaini er farinn frá kínverska félaginu Shandong eftir tæpa fimm ára veru, en hann er nú í leit að nýju félagi.
<p>Ólafur Íshólm Ólafsson hefur skrifað undir nýjan tveggja ára samning við Fram.</p>
Dvöl Anwar El Ghazi hjá Mainz í fallbaráttu þýsku deildarinnar var stutt. Hann fékk að rifta samningi sínum við PSV Eindhoven í september til að skrifa undir hjá Mainz á frjálsri sölu.
Óscar García Junyent hefur verið ráðinn sem nýr þjálfari OH Leuven í efstu deild belgíska boltans eftir slæmt gengi á upphafi tímabils.
Yaya Touré er búinn að segja upp starfi sínu sem aðstoðarþjálfari Standard Liége í belgíska boltanum til að taka við samskonar starfi hjá sádí-arabíska landsliðinu.
Fram hefur ráðið hinn breska Gareth Owen til starfa hjá félaginu en hann tekur við stöðu yfirmarkvarðarþjálfara. Daði Lárusson hefur síðustu ár þjálfað markverði félagsins en hann hefur núna yfirgefið félagið.
Matthías Guðmundsson hefur verið ráðinn þjálfari meistaraflokks kvenna hjá Gróttu. Matthías gerir þriggja ára samning við deildina.
Abdoulaye Doucoure, miðjumaður Everton, er búinn að skrifa undir nýjan samning við félagið og er nú samningsbundinn fram á sumarið 2025. Hann er þrítugur og hefur spilað 108 leiki fyrir félagið. Hann hefur skorað 13 mörk frá komu sinni í september 2020.
Þór Llorens Þórðarson hefur ákveðið að yfirgefa Selfoss eftir fimm tímabil með félaginu.
<p>Kristinn Jónsson hefur tilkynnt að hann muni ekki vera áfram hjá KR.</p>
Þorlákur Árnason hefur verið ráðinn þjálfari portúgalska kvennaliðsins Damaiense og mun stýra liðinu út tímabilið.
Sóknarmaðurinn Bjarni Gunnarsson hefur lagt skóna á hilluna. Þetta staðfesti hann í samtali við Fótbolta.net í dag. Hann er þriðji leikmaðurinn hjá Fjölni sem leggur skóna á hilluna eftir tímabilið. Fyrir höfðu þeir Guðmundur Þór Júlíusson og Dofri Snorrason kallað þetta gott. Auk þess er fyrirliði Fjölnis frá liðnu tímabili, Hans Viktor Guðmundsson, horfinn á braut, en hann samdi við KA á dögunum.