Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögn og texta skilaði 25173 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Hollenska stórliðið Ajax hefur fengið til sín sóknarmanninn Chuba Akpom frá Middlesbrough í Championship-deildinni. Þessi 27 ára leikmaður skoraði 29 mörk fyrir Boro í öllum keppnum og var markahæsti leikmaður ensku B-deildarinnar.
Miðjumaðurinn Tom Davies er búinn að skrifa undir samning við Sheffield United og mun leika fyrir félagið í ensku úrvalsdeildinni á tímabilinu. Davies gerir samning við Sheffield United sem gildir næstu þrjú árin.
Roma hefur staðfest kaup á Renato Sanches, portúgalski miðjumaðurinn kemur á lánssamningi með ákvæði sem skyldar Roma svo til að kaupa hann að uppfylltum vissum ákvæðum. Sanches <a href="https://fotbolti.net/news/16-08-2023/paredes-aftur-til-roma-stadfest" target="_blank">fylgir Leandro Paredes</a> frá PSG til ítölsku höfuðborgarinnar. Ítalskir fjölmiðlar segja að Roma geti keypt Sanches fyrir 15 milljónir evra eftir tímabilið. <i>„Ég er svo ánægður með að vera kominn í þetta stóra félag. Ég er hrifinn af hugmyndum Roma og tel þetta vera rétt skref,"</i> segir hinn 25 ára Sanches sem verður í treyju númer 20.
ÍBV hefur fengið liðsstyrk fyrir endasprettinn í Bestu deildinni. Sá heitir Michael Jordan Nkololo og getur hann bæði spilað sem sóknarsinnaður miðjumaður og framherji. Sögur höfðu heryst af því að ÍBV ætlaði að styrkja sig í framherjastöðunni fyrir endasprettinn og er hann nú kominn.
Birgir Steinn Styrmisson er genginn í raðir KR á nýjan leik eftir tvö ár hjá ítalska félaginu Spezia. Hann fékk leikheimild á Ítalíu eftir skipti frá KR fyrir tveimur árum. <a href="https://www.fotbolti.net/news/14-08-2023/birgir-steinn-a-leid-heim-i-kr" target="_blank">Fótbolti.net fjallaði um mögulega heimkomu Birgis á mánudag.</a> Birgir er varnarmaður sem byrjaði tvo af þremur leikjum U19 landsliðsins í forkeppni fyrir EM síðasta vetur. Hann missti af milliriðlunum í mars vegna meiðsla og var ekki með í sumar þegar liðið fór á lokamót EM.
LA Galaxy hefur fengið framherjann Billy Sharp í sínar raðir á frjálsri sölu frá Sheffield United. Sharp er 37 ára og rann út á samningi hjá Sheffield í sumar. Hann skrifar undir samning út tímabilið 2023 og hefur félagið möguleika á því að framlengja út næsta tímabil.
Franski miðjumaðurinn Dimitri Payet er genginn í raðir brasilíska félagsins Vasco da Gama. Hann er 36 ára gamall og kemur frá Marseille þar sem hann hafði verið í sex ár. Hann kom til Marseille frá West Ham eftir að hafa vakið mikla athygli í úrvalsdeildinni fyrir gæði sín með boltann.
Leandro Paredes er formlega orðinn leikmaður Roma og verður í treyju númer 16 hjá ítalska félaginu. Argentínski miðjumaðurinn kemur frá PSG og hefur skrifað undir samning til sumasins 2025.
Lengjudeildarlið Ægis hefur fengið þá Jóhannes Breka Harðarson, Aron Fannar Hreinsson og Arngrím Bjart Guðmundsson til félagsins fyrir átökin í lokakafla mótsins.
Tékknesku markverðirnir Ondrej Mastny og Matej Kovar eru báðir farnir frá enska úrvalsdeildarfélaginu Manchester United.
Nígeríski framherjinn Odion Ighalo hefur samið við Al-Wehda í Sádi-Arabíu en hann kemur frá Al-Hilal.
Senegalski miðvörðurinn Abdou Diallo er mættur til katarska félagsins Al-Arabi frá Paris Saint-Germain.
<p>Hinn 19 ára gamli Bjarni Guðjón Brynjólfsson er búinn að semja við Val og mun hann ganga í raðir félagsins eftir tímabilið. Valur kaupir hann frá Þór en lánar hann til baka út tímabilið. </p><p>Bjarni Guðjón skrifaði undir á Hlíðarenda í kvöld en Valur lánar hann til baka í Þór þar sem hann klárar tímabilið með uppeldisfélagi sínu.</p>
Þýski landsliðsmaðurinn Robin Gosens er genginn til liðs við Union Berlin frá Inter fyrir 15 milljónir evra.
Það er nóg að gera á skrifstofunni hjá Þrótti í Laugardalnum þessa stundina. Steven Lennon er núna kominn til félagsins á láni frá FH. Fótbolti.net <a href=2https://fotbolti.net/news/15-08-2023/throttur-reynir-ad-fa-steven-lennon" target="_blank">greindi fyrst frá þeim tíðindum</a> að Þróttarar væru að reyna að fá Lennon.
Fyrrum landsliðskonan Elín Metta Jensen hefur óvænt tekið skóna fram af hillunni og skrifaði undir hjá Þrótti. Samningurinn gildir út næsta tímabil.
Brasilíumaðurinn Neymar hefur fært sig um set til Sádi-Arabíu og er hann búinn að skrifa undir samning við Al Hilal.
ÍBV hefur fengið frekari liðsstyrk fyrir komandi átök í Bestu deild kvenna því miðjumaðurinn Telusila Mataaho Vunipola er búin að semja við félagið.
Leicester hefur fengið ítalska miðjumanninn Cesare Casadei lánaðan frá Chelsea út tímabilið. Hann var lykilmaður hjá U20 landsliði Ítalíu sem komst í úrslit HM U20 landsliða í Argentínu í sumar. Þar hlaut hann gullboltann sem besti leikmaður mótsins og gullskóinn sem sá markahæsti. Þessi tvítugi leikmaður var seinni hluta síðasta tímabils hjá Reading. Leicester féll úr ensku úrvalsdeildinni á síðasta tímabili og leikur í Championship-deildinni.
Valur hefur heldur betur styrkt sig í félagaskiptaglugganum sem er núna í gangi og núna á gluggadeginum hafa tveir leikmenn til viðbótar bæst við hópinn.