Ollie Watkins lagði upp fyrra mark Aston Villa á Emiliano Buendia í 2-0 sigri liðsins gegn Tottenham í dag.
Watkins var á undan Hugo Lloris í boltann eftir að hann varði boltann út í teiginn en var kominn í of þröngt færi til að taka skotið svo hann ákvað að senda á Buendia sem skoraði.
„Ég íhugaði að taka skotið en þetta var þröngt færi, svo sá ég Emi (Emiliano Buendia) og hann kláraði færið," sagði Watkins í viðtali hjá Sky Sports.
Douglas Luiz skoraði síðara mark leiksins eftir frábæra sendingu frá John McGinn.
Athugasemdir
