lau 01. febrúar 2020 14:28
Ívan Guðjón Baldursson
England: Antonio Rudiger bjargaði Chelsea
Mynd: Getty Images
Leicester 2 - 2 Chelsea
0-1 Antonio Rüdiger ('46)
1-1 Harvey Barnes ('54)
2-1 Ben Chilwell ('64)
2-2 Antonio Rüdiger ('71)

Leicester tók á móti Chelsea í fyrsta leik helgarinnar í ensku úrvalsdeildinni. Um mikilvæga viðureign var að ræða þar sem átta stig skilja liðin að í Meistaradeildarbaráttunni.

Staðan var markalaus eftir jafnan fyrri hálfleik en gestirnir frá London komust yfir í upphafi seinni hálfleiks þegar Antonio Rüdiger skallaði hornspyrnu frá Mason Mount í netið.

Leicester skipti um gír eftir að hafa lent undir og var Harvey Barnes ekki lengi að jafna metin. Hann kom inn frá vinstri kantinum og lét vaða, skot hans fór af varnarmanni og í netið.

Á 64. mínútu komust heimamenn svo yfir með marki frá Ben Chilwell, sem skoraði eftir lága fyrirgjöf frá Youri Tielemans. Hægt er að setja spurningarmerki við úthlaup Willy Caballero í aðdraganda marksins.

Það leið þó ekki á löngu þar til Mount og Rüdiger tengdu aftur og jöfnuðu stöðuna í 2-2. Rüdiger reis þá hæst og skallaði aukaspyrnu frá Mount í netið.

Leicester setti gestina undir mikla pressu á lokakafla leiksins og vildu heimamenn fá vítaspyrnu í uppbótartíma þegar boltinn fór í hönd Rüdiger. VAR skoðaði atvikið og ákvað að dæma ekki vítaspyrnu.

Heimamönnum tókst ekki að gera sigurmark og niðurstaðan 2-2 jafntefli. Frank Lampard getur þakkað Rüdiger og Mount fyrir stigið.

Leicester er í þriðja sæti ensku úrvalsdeildarinnar með 49 stig eftir 25 umferðir. Chelsea er í fjórða sæti með 41 stig.
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner
banner
banner