Lengjubikar kvenna: Stjarnan nældi í sinn fyrsta sigur í Skessunni

Stjarnan lagði FH í Skessunni í kvöld í Lengjubikarnum og nældi í leiðinni í sínn fyrsta sigur.

Jóhanna Melkorka kom liðinu yfir þegar hún kom boltanum í netið eftir hornspyrnu frá Andreu Mist Pálsdóttur.

Hulda Hrund bætti öðru markinu við eftir tæplega klukkutíma leik.  Herdís Halla Guðbjartsdóttir markvörður FH ætlaði að sparka boltanum fram en Hulda komst fyrir og boltinn fór af henni og í netið.

Stjarnan fer upp í 3. sætið með fjögur stig eftir þrjár umferðir en FH er í 2. sæti með sex stig.